Popular Bible Verses from Zan 6

Share

Yezu ko u ma: «Ne le ye dumunifɛn ye min be nii kura don mɔgɔ la. Ni mɔgɔ min sɔnna ne ma, kɔngɔ t'o tigi minɛ tugu. Ni min lara ne la, minnɔgɔ t'o tigi minɛ tugu.

Nii Senuman le b'a to mɔgɔ be barika sɔrɔ, n'o tɛ, n'a danna farisogo ta ma, o te foyi ye. Ne ye kuma minw fɔ aw ye, o be bɔ Nii Senuman fɛ ka nii don mɔgɔ la.

Aw kana baara kɛ dumuni tolita kosɔn dɛ! Nga dumuni min te cɛn, aw ye baara kɛ o le kosɔn, min be nii banbali di. O dumuni nin, Mɔgɔ Dencɛ bena o d'aw ma. A Faa Ala y'a ka taamasiɲɛ bila ale kan.»

N Faa ko ni mɔgɔ o mɔgɔ ye ne ye k'a jigi la ne kan, k'o tigi bena nii banbali sɔrɔ. Ne fana ben'a kunun labanlon na.»

Yezu y'u jaabi ko: «Ala ye min ci, fɔɔ aw ka la ale la. O le ye Ala sago ye.»

Ni n Faa ye mɔgɔ o mɔgɔ di ne ma, o bena la ne la, ne fana tena ban o tigi la.

Simɔn Piyɛri y'a jaabi ko: «An bena taga jɔn fɛ? Mɔgɔ be nii banbali sɔrɔ ele ka kuma barika la.

«Dumuni ɲanaman min bɔra sankolo la, ne lo. Ni min y'o dumu, o tigi be to nii na tuma bɛɛ. Ne bena dumuni min di, o ye ne fari yɛrɛ le ye. Ne be n yɛrɛ di waasa diɲɛ ka se ka nii banbali sɔrɔ.»

Mɔgɔ si te se ka sɔn ne ma ni n Faa sababu tɛ. Ne fana bena o tigi kunun labanlon.

Bari Ala be dumuni min di, o bɔra sankolo la ale lo be nii kura don diɲɛ mɔgɔw la.»

Ne ye dumunifɛn ye min be nii banbali di mɔgɔw ma.

O tuma na, Yezu ye buru nunu ta ka barika la Ala ye k'u tilan mɔgɔw cɛ. A ye jigɛ nunu fana kɛ ten. U bɛɛ ye sɔrɔli kɛ fɔɔ ka wasa. U bɛɛ fara minkɛ, Yezu y'a fɔ a ka kalandenw ye ko: «Aw ye buru tɔɔ bɛɛ tɔmɔ a si kana cɛn.»

U tun ye kilo duuru, walima wɔɔrɔ ɲɔgɔn taama ka ban ni kurun ye. U ye Yezu taamatɔ ye jii kan ka gwɛrɛ u ka kurun na. U siranna kosɔbɛ. Nga Yezu y'a fɔ u ye ko: «Aw kana siran, ne lo.»