Popular Bible Verses from Luka 12

Share

Aw fana labɛnnin ka kan ka to, bari aw te miiri waati min koo la, o waati la, Mɔgɔ Dencɛ bena na.»

Aw ka Ala ka masaya ɲini fɔlɔ, n'o kɛra, Ala bena fɛɛn tɔw d'aw ma.

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Aw ka nafolo be yɔrɔ min na, aw ka miiriya be o yɔrɔ la fana.

Aw la, jɔn be se ka tile kelen dama fara a sii kan hami fɛ?

O kɔ, Yezu y'a fɔ a ka kalandenw ye ko: «O kama, n b'a fɔ aw ye ko aw kana hami aw ka baloko la ko aw bena mun dumu? Aw kana hami aw ka fɛɛrɛbɔko la, ko aw bena mun don?

Hali aw kunsigi yɛrɛ, Ala b'o bɛɛ daa lɔn. O la, aw kana siran. Aw ka fisa ni kɔnɔninw ye.

«Aw kɛra i n'a fɔ sagakulufitini. O n'a ta bɛɛ, aw kana siran, bari a diyara aw Faa ye k'a ka masaya d'aw ma.

Aw ye kaankaanw ka koo jati k'a filɛ. U te danni kɛ, u te suman tigɛ. Bondo t'u fɛ. Nga Ala b'u balo. Aw man fisa ni kɔnɔw ye pewu wa?

«Aw bena fɛɛn min dumu, walima aw bena fɛɛn min min, aw kana aw hakili ɲagami o sɔrɔko la.

Biin min be kongo kɔnɔ, ni tasuma ben'a jɛni sini, ni Ala b'a janto o la ten, a ten'a janto aw la ka tɛmɛ o kan wa? Jigitan nunu!

Fɛndogonin si te yen min tena ye. Gundo si te yen min tena bɔ kɛnɛ kan