Popular Bible Verses from Luka 13

Share

«Aw ye jija ka don ni dafitini ye bari ne b'a fɔ aw ye ko mɔgɔ caaman bena cogo ɲini ka don, nga u tena se.

Muso dɔ tun be o yɔrɔ la, jinabana tun b'a la kabini saan tan ni seegi. Bana nin tun y'a kɔɔ kuru, a tun te se ka tilen ka lɔ. Yezu y'a ye tuma min na, a y'a wele k'a fɔ a ye ko: «Muso, i kɛnɛyatɔ filɛ nin ye.»

A y'a bolo la muso kan. O yɔrɔnin bɛɛ, a kɔɔ tilenna, a y'a daminɛ ka Ala tanu.

«O tuma na, kɔmɔgɔ dɔw bena kɛ ɲamɔgɔw ye, ɲamɔgɔ dɔw bena kɛ kɔmɔgɔw ye.»

«Ni sotigi wilila ka daa sɔgɔ tuma min na k'aw to kɛnɛma, aw ben'a daminɛ ka daa kɔkɔ k'a fɔ ko: ‹Matigi, daa yɛlɛ an ye.› A bena aw jaabi ko a t'aw bɔyɔrɔ lɔn.

Ne b'a fɔ aw ye ko tiɲɛ tɛ. Ni aw ma nimisa ka faran aw ka kojuguw la, aw bɛɛ bena halaki fana.»

A ben'a fɔ aw ye tugu ko ale t'aw bɔyɔrɔ lɔn, ko aw kojugukɛlaw bɛɛ ka bɔ n kɔrɔ.

Yezu y'a fɔ tugu ko: «Ala ka masaya bɔnin be mun fɛ? Ne ben'a kɛɲɛ ni mun ye? A be i ko mutaridikisɛ, cɛɛ dɔ ye min ta k'a dan a ka nankɔ la. A falenna ka boɲa ka kɛ yiri ye. Kɔnɔw b'u ka ɲagaw la a bolow kan.»