Popular Bible Verses from Luka 14

Share

«Mɔgɔ o mɔgɔ be na ne fɛ, n'a ma ne fisaya n'a faa ye, n'a baa, n'a muso, n'a deenw, n'a balimacɛw, n'a balimamusow, n'a yɛrɛ fana ye, o tigi te se ka kɛ ne ka kalanden ye.

Ni mɔgɔ min m'a ka gwengwenlɔgɔ ɲun ka tugu ne kɔ, o tigi te se ka kɛ ne ka kalanden ye.

Mɔgɔ o mɔgɔ b'a yɛrɛ boɲa, o tigi bena majigi. Mɔgɔ o mɔgɔ b'a yɛrɛ majigi, o tigi bena boɲa sɔrɔ.»

N'aw dɔ b'a fɛ ka kɛ ne ka kalanden ye fana, fɔɔ aw k'aw ka bololafɛn bɛɛ to yen.

«Aw cɛma ni mɔgɔ dɔ b'a fɛ ka sangaso jamanjan lɔ, a te sigi fɔlɔ k'a lɔsɔngɔ jati k'a filɛ yala n'a ka wari bena se k'o baara laban wa? N'o tɛ, n'a y'o sangaso juu sigi, n'a ma se k'a laban, mɔgɔ minw bɛɛ bena o ye, u bena yɛlɛ a ma, k'a fɔ ko: ‹Cɛɛ nin ye soo lɔli daminɛ, nga a ma se k'a laban.›

Nga, n'i bena dumuniba di mɔgɔw ma, i ka fantanw ni senkelenninw ni namaraw ani fiɲɛntɔw wele. N'i y'o kɛ, i bena duba sɔrɔ, bari olu te se k'i ka juru sara, nga Ala bena i sara sini.»

«Kɔgɔ ye fɛnɲuman ye, nga ni kɔgɔ ka timiya bɔra a la, mun bena se k'a timiya tugu? O tuma na, a te se ka kɛ nɔgɔ ye ka foyi ɲa dugukolo ye. A be fili le. Tulo be min fɛ ka mɛnni kɛ, o ka mɛnni kɛ.»