Popular Bible Verses from Utandiko 39

Share

Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

Potifa apeela vyonsi ni milimo yapa ng'anda mu makasa yakwe Yosefu. Wene aelenganya ukulya kutupu. Yosefu wali mulumendo wa cata cisuma nupya muyembe cuze.

Caleka kalinda wa anyepwe umukalamba aika Yosefu pali ukangalila wa anyepwe yauze onsi. Amupa amaka akulolela vyonsi vyacitikanga mu ng'anda yaminyololo.

Alema Yosefu amwika mu ng'anda yaminyololo kuno umwene wasungilanga anyepwe akuno Yosefu aikala. Lelo Yawe wacingililanga Yosefu nga nu kumupolelela. Cii, calesile kuti kalinda wa anyepwe umukalamba azangila muli Yosefu.

Lino papita amanda umuci wakwe Potifa atandika ku kumbwa Yosefu, amutoka ati, “Ndanga tulale nawe!” Yosefu akana ati, “Si lola vino umusambazi wane wancita mwangalizi muno ng'anda. Kutacili cimwi cino akalemako, nga wapeela vyonsi mu wangalizi wane. Nkweti amaka mu ng'anda ii wakwe vino umusambazi wane akweti. Wene wampeela maka pali vyonsi, lelo kufumyako sile wewe we muci wakwe. Uzye lyene ningacita uli cintu caipa ndi ci nu kwifya kuli Leza wane?”

Lelo uwanda umwi lino Yosefu wingile mu ng'anda ku kuomba imilimo, mutali muomvi muze umwi mu ng'anda. Muka Potifa aya amutinta ikoti lyakwe ati, “Iza ku musanzi wane.” Lelo Yosefu amufyumbutuka, autukila apanzi, nga umwanaci asyala ni koti mu minwe.