Popular Bible Verses from Luk 10

Share

Ɛ́náʼo, ɛ ŋa mɛ́ banɔ́ iínjíé na makɛ́nda ma ɔnɔsɔkɛna na mɔɔ́hɔ na ɛŋɛŋɛ́, na makɛ́nda ma ɔyákáka Sátan i ihényí ikime ; ta bɔkɔ a bɔɔbɛ́ tɛ káá banɔ́ kɛ́la.

Aáná Otéŋí a Waáŋá ŋeé wuúci bɛ́kámá ɔsɛ : « Mááta, Mááta ! Ɔ ŋɔɔ́ bɛ́ákɛ́na bɛsana biéŋí. Menyi anyía bɔkɔ áŋa búmɔtɛ́ abɔ́ baacɔ ábɔ́ nyɛmána bá ɔkɛlaka. Malíi áŋa ɔtáfánɔ́ ambányɛ yɛ́ bɔkɔ ; ta ɔɔcɔ tɛ á bá wu o wuúci aáŋíá bɔkɔ eébú. »

Mbá ɔɔcɔ ɔsɛ : « Yááŋa yɔɔ́ŋɔ́kɔ́nɔ́ anyía : “Lénéke uuwu Otéŋí a Waáŋá Bandɔ́mɛsɛ́ ne úúwu ɔtɛ́má okime, ne hííwu hɛtányɛ́ hikime, na mɔɔwɔ makɛ́nda mekime, na ciɔwɔ injiŋé ikime ; mbá e lénéke sɔ́ɔ́kɔ́ háyɛ o ŋoó léne ciɔwɔ cɛɛ́tɔ cɛ bɛ́muátá.” »

Mbá ɔsɛ náábɔ́ : « Bɛyɔyɛ́ bɛ́ ɔbándáka áŋa biéŋí, mbá babánda á bɔ́ŋa betíkítíki. Ánɔ bɛ́cɔ́kɔ́lɔ́kɛ́na aná muútí bɛyɔyɛ́ wá háná tɔ́mɔ́kɔ́na baacɔ ɔ ɔkɔɔ́bánda bíáyɛ́ bɛyɔyɛ́.

Mbá Yésus ɔsɛ né muékúnyi bikotí : « A bɛ́tátɔ́ bɛ́ baacɔ eébí, awɔ́ háányɛ́ o ŋoó bíketi anyía wáŋa sɔ́ɔ́kɔ́ cɛ ɔɔcɔ ewú bicónjólóŋó ŋá hátɛ́na e ? » Mbá ɔɔcɔ ɔsɛ : « Sɔ́ɔ́kɔ́ ewú u ŋeé wuúci bɛ́cáma mahana, yó wuúci ɔ́ɔ́lɛ́ta. » Yésus ɔsɛ nááyá : « Cɔbá, búle kɛ́la híáná. »

Ánɔ cɔbá, ɛ́ ma mɛ́ banɔ́ tɔ́mɔ́kɔ́na. Nua nɔ́ŋa háyɛ ɛtɔ́mbá haála ahá ɛbála áŋa.