Popular Bible Verses from Luk 11

Share

Hú banɔ́ abá nua nɔ́ŋa bɛɛbɛ́ bɛ́ baacɔ, nu ŋe nú ményi owiínjie báánɔ́ baáná bɛmbányɛ bɛ́ bɛnyɛ́ma, mbá anyána aná na ciasɔ́ Síkíne cɛ Ɔmuaná e ? U kéé yiínjie *Efúúménénú yí Elilé a baacɔ e bé ŋe bú wuúci kɔŋɛna. »

Ɛ́ɛ, ɛ ŋa mɛ́ banɔ́ laana anyía ánɔ kɔ́ŋgɛ́na, bá ká banɔ́ iínjíékíne ; ánɔ aambáka, mbá nu ká nɔ́ bɔ́ŋgɔ́na ; énu kitéke ehenyi, mbá bá káá banɔ́ kúunine.

Yááŋa anyía ɔɔcɔ okime awɔ́ u ŋɔ́ kɔŋɛna, bé kéé yiínjie ; okime awɔ́ u ŋa yáamba kɔ́ɔ́ bɔ́ŋɔ. Bé kéé kúúnine ehenyi né ooci ewú u ŋé kíte.

Yésus ɔsɛ : « Ekúlú ayɛ́ nú ŋa nɔ́ bɛ́cɔ́kɔ́lɛ́na Bandɔ́mɛsɛ́, ánɔ kɔɔ́na anyía : Ciasɔ́ Síkíne, nyiɔ́wɔ nyiínyi á bá nyifúúménénú, búɔ́wɔ Butéŋí á faáya.

Basɔ́ nyɛ́ánɛ́nɛ́na maasɔ maabɛ́, háyɛ basɔ́ bɛ́muátá tu naŋa tuásɔ nyɛ́anakɛnɛna tɔ́na baacɔ abá ŋa basɔ́ kɛla bɔɔbɛ́. Eti lumitine anyía tuásɔ́ kúákɔ́na a mɔɔ́kɛ́tánána noómi. »

Basɔ́ iínjíékíne mɔɔ́sɛ́ mekime bɛnyɛ́ma bɛ́ ɔnyíá a bɛ́ á basɔ́ nyɛmána.

Cɔ́ɔ́wɔ eése áŋa háyɛ lámba cɛ cɛɛ́tɔ ; ekúlú ekime ayɛ́ cɔ́ɔ́wɔ eése áŋa ambányɛ, ciɔwɔ cɛɛ́tɔ áŋa e eese noómi. Mbɔ́kɔ cɔ́ɔ́wɔ eése tɛ á bá ambányɛ, ciɔwɔ cɛɛ́tɔ ikime áŋa i ibíne noómi.

« Ɔɔcɔ naŋa u tɛ á cíá *lámba anyía wéé ciíci namba, ta anyía wé ciíci húé a alɔŋgá noómi. Mbá ɔɔcɔ ŋaá cíá lámba anyía wé ciíci háya a búáyɛ́ bɔtálɛ́ná, anyía baacɔ e bé ŋe bú óofine ábɔ́ bɛ́lɛ́cákɛ́na.