Popular Bible Verses from Luk 12

Share

Banɔ́ tɔ́na, énu limíne babɛ́tábɔ́nákánɔ́, anyía Ɔɔ́nɔ́ u ɔɔcɔ ká ka hálɔ́mɔ́na o onjéŋí awɔ́ nu tɛ ŋá nɔ́ bɛ́táá. »

Ánɔ hɔláka obíyébiki ɔwaamba *Butéŋí bɔ́ Bandɔ́mɛsɛ́, aáná u káá banɔ́ sólikinyinyi bɛnyɛ́ma eébí bikime.

Aáná u ŋeé beébe laána bekime ɔsɛ : « Énu bíkékényíki, nɔtɛ bámɔ́kɔ́nɛ́na na ɔtɛ́má a bɔnɔ́mɛ ; anyía tɛ́ cáŋa bɔnɔ́mɛ buéŋí abɔ́ ɔɔcɔ áŋa ne buúbu, bú káá kɛla anyía weé líhéke buéŋí. »

Yááŋa anyía aá haála ahá búánɔ́ bɔnɔ́mɛ áŋa, híá hɔ́á cíínú ɛtɛ́má áŋa. »

Aá banɔ́ eebe, aányɛ́ wáŋa wu osolinyi ta buɔ́sɛ́ búmɔtɛ́ e úúyé olíhe ɔ ɔbɛ́ákɛ́na awɔ́ ú ŋa bɛ́ákɛ́na e ?

Yésus ŋaá laana bááyɛ́ *baákɔ́nɛ́na ɔsɛ : « Yaátɛ́ asana ɛ ŋa mɛ́ banɔ́ láana anyía nɔtɛ bɛ́ákákɛ́na a asana na bɛnyɛ́ma bɛ́ ɔnyíá anyía nuénu líhéke, mbá ta a asana na bɛlaŋa.

Túánɔ́ tuhúnyi tɔ́ aatɔ́ áŋa tufánákánɔ́ tukime. Nuti líkíméke aná ! Bandɔ́mɛsɛ́ ŋaá banɔ́ léne buéŋí ɔ ɔhɔla tulíondío tukime. »

Nuti líkíméke, banɔ́ abá nua nɔ́ŋa háyɛ hiɔ́bɔ́ɔbɔ hɛ́ ɛtɔ́mbá, anyía ciasɔ́ Síkíne ŋa lɛ́ca bɔmbányɛ anyía nuánɔ́ bámɔ́kɔ́na eéyé e Butéŋí. »

Ánɔ lɛcaka bɛkɔcɔ́kɔ́cɔ́, bɛ́ tɛ ŋɔ́ɔ́ yɔɔ́nɔ́, bɛ́ tɛ́ banda bɛyɔyɛ́, bɛ́ tɛ á bá ta na afɛná ta na tɔɔ́la, mbá Bandɔ́mɛsɛ́ ŋeé biíbi túke ; nú ŋa nɔ́ hɔ́la buéŋí tunonyí !

Nuti bíyébíki aná ɔ ɔwaamba aátɛ́ nú ŋa nɔ́ nyíáka ta aátɛ́ nú ŋa nɔ́ múáka.

Mbɔ́kɔ Bandɔ́mɛsɛ́ ŋe híkisi bihuti bɛ́ bɛtúalɔ́ a bɛ́áŋa ɛndánáka hɛ́nánɔ, mbá nɔɔyá bé o biíbi luliki, mbá anyána u tɛ káá banɔ́ láŋaka, banɔ́ abá nua nɔ́ŋa ne hilumitininelúmítíníne e ?

Bɛsana bikime a bɛ́áŋa bɛnambákánɔ́, baacɔ ké bú biíbi lɛcaka ; bikime a bɛ́áŋa indiitie, bé kéé biíbi menyukune.