Popular Bible Verses from San Lucas 5

Share

Ra te ndiꞌi sañaꞌa ra na, ra saa ndikaꞌan ra xiꞌin ra Simón, kachi ra saa: ―Na koꞌo xiꞌin nu chi nuu kunu ra kaa, ra chikaa ndo inu ndo ña tiin ndo tiaka ―kachi ra xiꞌin ndia.

Saa ndakuiin ra Simón, kachi ra saa: ―Tata Maestro, xa iinii ñuu ndaa ndixika ndi xaꞌa ri, ra ndia nii ri nditïin vi ndi. Ndi su tu xa mii kun kachi saa, ra vaꞌa, na chikaa tuku va ndi ña ―kachi ra. Ra saa chikaa tuku va ndia inu ndia. Ra kuaꞌa ka vi ri tiin ndia ra xaꞌa ndia ixita ndia inu, ra saa xaꞌa ndindata va ña xiꞌin ri.

Ra kuaꞌa ni ichi ke̱e siin ra nuu na, ña ndixaꞌan ra iku yuu nuu köo yuvi ña ndikaꞌan ra xiꞌin Ndioxi.

Saa chi yuꞌu, ra växi yu chindiee taꞌan yu xiꞌin na vaꞌa, na köo kuachi, tuvi na. Chi xaꞌa na iyoo kuachi va ke xaa yu, ña vaꞌa na ndandiko ini na ra ndakiꞌin na ichi Ndioxi ―kachi Jesús xiꞌin ndia fariseo.

Ra ta xini ra Simón ña xa Jesús, saa ra ndikun ndakusiti ra nuu ra, ra kachi ra saa: ―Tata, tiaa ra iyoo kuachi va kuvi yuꞌu, ndi su yoꞌo, ra ra yii va kuvi kun. Ña kan ke küvi kitaꞌan yu xiꞌin kun, ra vaꞌa ka na kutiaꞌa va kun nuu yu ―kachi ra xiꞌin Jesús.

Ra saa ndakuiin Jesús, kachi ra saa xiꞌin ndia: ―Na iyoo vaꞌa ini, ra xiniñüꞌu vi na kan na xatatan, chi na ndiee ndoꞌo va ku na xiniñuꞌu na xatatan.

Ra saa ke̱e ndia chi yuꞌu mini kan xiꞌin barca ndia. Ra ndakoo ndiꞌi ndia chiñu ndia. Ra ndakundikun ndia Jesús, kuaꞌan ndia xiꞌin va ra.

Saa kuu iin kii ra xika Jesús iin ñuu, ra ndixaa iin tiaa ra ndoꞌo kue̱ꞌe̱ tiaꞌyu nuu ra. Ra ndakusiti ra, ra ndixinu nuu ra ndia ñuꞌu, ra xakundaꞌvi ka vi ra nuu ra, kachi ra saa: ―Tata, tu kuni kun, ra na sa kun ña mani ra na sandaꞌa va kun yuꞌu ―*kachi ra. Ra saa nditandiaa ndaꞌa Jesús ra ndoꞌo kueꞌe tiaꞌyu kan ra ndikaꞌan ra xiꞌin ra, kachi ra saa: ―Kuni va yu; ra na nduvaꞌa kun ―kachi ra xiꞌin ra. Ra ndikun saa ndindoñuꞌu va kue̱ꞌe̱ tiaꞌyu kan sata tiaa kan.

Ra vaꞌa ni ndikaꞌan ni va Jesús xiꞌin ra ña na ndatüꞌun ra, ndi su xa saa kundaa va ini yuvi xaꞌa ña nduvaꞌa ra. Ra iin vichin vichin ndindutia ndoso tuꞌun xaꞌa Jesús, ra kuaꞌa ka vi yuvi kuaꞌan nuu ra ña kuni soꞌo na ña ndakani ra, ra sandaꞌa ra na xiꞌin kueꞌe ña ndoꞌo na.