Popular Bible Verses from San Lucas 8

Share

Ra ña ndikoyo ñuꞌu xaꞌan, kuvi yuvi na xini soꞌo tuꞌun Ndioxi. Ra ndinuni ni kandixa na tuꞌun ña xini soꞌo na, ra chuvaꞌa na ña nima na. Ra kuëe ndiko ini na, chi niña ña vaꞌa va xa na ―kachi Jesús xiꞌin ndia.

Ra ña ndikoyo tiañu ìñu̱, kuvi yuvi na xini soꞌo tuꞌun Ndioxi, ndi su kuee kuee naa ini va na xaꞌa tuꞌun Ndioxi. Ra xaꞌa ndakundiꞌi ini na xaꞌa ña kuika, xiꞌin xaꞌa ña sii ini iyoo nuu ña yuuvi yoꞌo va, ra xä ka na ña vaꞌa.

Ra ña ndikoyo tiañu yuu, kuvi yuvi na xini soꞌo tuꞌun Ndioxi. Ra kusii ni ini na ndakiꞌin na ichi Ndioxi, ndi su kuëe kunu ñuꞌu tioꞌo ña nima na, chi loꞌo ni va tiempo ^kandixa na, ra ta vaxi tundoꞌo nuu na, saa ra ndiko ini va na.

Ra saa ndikaꞌan ra xiꞌin ndia itaꞌan xiꞌin ra kachi ra saa: ―¿Nichuun kuëe kandixa ndo? ―kachi ra. Ra ndakanda ka vi ini ndia, ra ndiyuꞌvi ni ndia, ra saa xaꞌa ndakatuꞌun taꞌan ndia, kachi ndia saa: ―¿Yoo kuvi ra yoꞌo, ra ndia tachi xiꞌin tiakuii ra xaꞌndia ra chiñu nuu ña ra kandixa ña ra? ―kachi ndia xiꞌin taꞌan ndia.

Ra ña ndikoyo yuꞌu ichi, kuvi yuvi na xini soꞌo tuꞌun Ndioxi. Ra xaa timiaꞌa tava ri ña nima na, ña na kandïxa na Ndioxi ra käku na.

Ra takundiꞌi ñaꞌa ña iyoo seꞌe, ra ndatuvi ndiꞌi va xaꞌa ña, ra saa tu ña kundäa ini yuvi xaꞌa va, chi vaxi kii ra kundaa va ini na xaꞌa ña.

Ra te kundaa ini ñaꞌa yoꞌo ña ndiküvi koo seꞌe, ña ndoꞌo ña, ra iyuꞌvi ka vi ña, ra iin ndiakua kisi ña ña xaa ña ndixkusiti ña nuu Jesús. Ra nuu ndiꞌi na ndakani ña ni xaꞌa ke nditiandiaa ndaꞌa ña tikoto ra. Chi ta nditiandiaa ndaꞌa suꞌva ña tikoto ra, saa ra ndikun nduvaꞌa va ña. Ra saa ndikaꞌan Jesús xiꞌin ña, kachi ra saa: ―Seꞌe, xaꞌa ña ndiaa ini kun yuꞌu va ke xa nduvaꞌa kun. Ra vichin kuanuꞌu, ra ndïꞌi ka ini kun ―kachi ra xiꞌin ña.

Ra saa sandoto ndia Jesús ra ndikaꞌan ndia xiꞌin ra kachi ndia saa: ―¡Tata Maestro! ¡Tata Maestro! ¡Kuandee itun yoꞌo xiꞌin yo kaꞌa mini! ―kachi ndia xiꞌin ra. Ra saa ndakoo Jesús ra xaꞌndia ra chiñu nuu tachi xiꞌin tiakuii, ra ndikun ndixkuiin va ña, ra iin yayaa kutaxin va.