Popular Bible Verses from Jòvánì 14

Share

Yo dù ta ꞌdê njembí yo. Ye bà je ŋa ꞌdê njembí tí nó mì ye nó ji yo. Ye kû je ji yo me go bà je i ji yo mì ndâ ꞌduù lá. À má énò, yo ꞌví si njembí yo ꞌví mù lá.

Káa Jézù giì ꞌvìsì có ji yí máa, «Ye a mbe tùbà kpokèjì mì Mbíṛì ji ndâ ꞌduù; ye a mbe ꞌdè yúcó ji ndâ ꞌduù; ye a ṛèngbó ꞌválá ŋìnó mbe cee lá nô. ꞌDuù má waa to co tí ꞌbí tende kpokèjì, yí bà di mì Bu ye wálá.

Jézù giì tò làmbu ꞌdê ngo mí njembí ndâ mbe tala có mì wó á bìndi bà kaṛa ṛé ndú mì wó ta ṛè bà ya yí ꞌdo tí ndú gî nó, ta bà yìì ndú máa, «Njembí yo ꞌví mù gítí có bà ya ye nò lá. Yo tee njembí yo mítí ze ta Mbíṛì.

Káa a Bèṛi tí nó náa Bu ye ba giì tuu yí ji yo, tí mbe kpo-gbí-tà-tù yo ta ṛè ye nó ká bà gì gí bà nìbà ndâ i ꞌdáá gî ji yo. A yí delè ká bà gì gí bà ꞌva mbí yo gítí ndâ có ŋìnó náa ye ꞌdè ji yo ꞌdáá gî nô.

ꞌDuù mbe ꞌdi ndâ có mì ye, bìndi  yí giì kpolo tí ndú gî, a mbe zè ye nìkì maa. Káa ꞌduù mbe zè ye nìkì maa, Bu ye bà zè yí nìkì maa. Ye delè bà zè yí nìkì maa. Ye delè bà ꞌdè gbí tí ye ji yí.»

Ye bà ꞌdeke tí ye ji Bu ye, wàa yí ꞌví tuu ꞌbí ꞌduù ji yo tí mbe kpo-gbí-tà-tù yo, náa yí bà dù ta yo dúú bà ya tí  gî. ꞌDuù tí nò náa Bu ye bà tuu yí ji yo tí mbe konì yo nò a Bèṛi-mì-Mbíṛì, tí mbe ꞌdè yúcó. Ndâ ꞌduù muu to tí nó bà ùnje gítí wó wálá, tacó ndú jé gí bà ŋò yí ni wálá, ndú delè je gí bà ŋò yí ta ṛo ndú wálá. Káa yo bà ŋò yí ni gî, tacó yí kèjì gí bà dù ta yo gbí njembí yo.

tacó énò, yo má yù ꞌbí ŋa i ta ṛe ye ꞌdo mì Bu ye, ye bà je i tí nò ji yo gî. Tacó wàa, ndâ ꞌduù ꞌví ùlù ta Bu ye ꞌdo gbí có mì ye tí ꞌViì mì wó. Yo má yù i ta ṛè ye, ye bà je i tí nò ji yo gî.

Yo má zè ye nìkì maa, yo bà kpolo tí ndâ có mì ye gî.

Tacó yê bàndò bà dù ndâ ꞌduù tí  á ꞌbá mì Bu ye wálá. Yê bàndò kùtàá má kuu ꞌbá mì Bu ye, ye bà ci yo énó máa, ye kû ya gí bà ꞌviindi bàndò ù ta ndi yo nò, wálá.

Ye má cee ta nèté bà ꞌviindi bàndò ù ta ndi yo gî, ye bà dele ndi ye gì tacó bà kaa yo ya tí  gítí . Tacó wàa, ndoo ꞌví dù ta ndoo á tí gbèe bàndò.

Káa Tòmázò, tí ꞌbí mbe tala có mì Jézù gbaànjé, giì ꞌvee yí máa, «Ze ŋò ni lá nó káa bàndò tí nò náa wò kû ya gítí  nò nó, ze bà giì ŋò jé káa kpokèjì bà ya gítí , Mbe tí ze?»