Popular Bible Verses from Tabekacane 35

Share

Ku Twaumase amia kai iniane, “Amaniaku ku wadulru sanaka manemane ka Twaumase; lri baadhaku muswane ku mapapapangale ku lamwabaibalrithi. Lrika taikaalra ku kuni ku lri twalai ki lamwabaibalrithi muswane ngiradhekane; lri kamanisu ku tatwaladhane ki latalialalai. Lri baadhaku muswane si lamwabaibalrithi muswane kudra kadaengane ku subulrubulruli si baai ki Aberahame si Isake ku kadaengane.”

Lri katwaseta kikai mwa ka Bithele, ikai kavai lri pasikaiyaku ki Twaumase cegecege ku tapatarumaramarane. Sa kipadradresedresengaku ku akwalriane, ku Twaumase paralubu nakwane; sa acaicaicaliaku mwa kidruanga yai, watapalra nakwane.”

Ku Twaumase la iya kai iniane, “Ku naganesu yai Yakubu, ai twalainga kai, lri si Iseraylringasu.” Ku Twaumase la pabalrithi ku naganeini pasi Iseraylri.

Ku Yakubu la iya kai kwini ki wacekecekeleini si sanaka twapapalra iniane, “Kwini mailuku numi kwini lasamiamiange ki maelane ka zuku cilria verevere; ngibabula, kipabalrithi ku mabula ku laimai.

Ku Twaumase amia kai ki Yakubu, “Lri mwasu ka Bithele, la ikaikai kavai. Lri ikaisu kavai cegecege ku vaeva ku tapatarumaramarane. Amaniaku kwidra sa mubeberesu ki taka ka Isau ka adrelane muswane ka Twaumase.”

Sa ateateatekenga manianiake ku Rakile, lri padaalrunga si nguniakane yai, la sunagane ki lalake pasi Benuni; ai ku tamaini swanagane pasi Biniyamingi.