Popular Bible Verses from Yohana 14

Share

ĩMatiliga namulekela; ĩmatiliga maane namupeela, ĩne nukumupeelaa sika kĩna uunkũmbigyulu naukumupeelaa. iNkolo zaani zilekikankanala sunga zilekiopoka.

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

“ĩNkolo zaani zilekikankanala; musuĩĩle mwa kĩNzua, musuĩĩle numumuane.

Ĩpa uMualĩĩlia, uMuau Muelu, uTata nukakumutuma muliina liane, unuasio ukakumumania tũlũ zensi nukukumũjukĩlia tũlũ zensi naalĩ numuĩĩlĩĩle.

uNuasio nutĩĩte ĩmalagĩĩlio maane nukukumakendegeela, unuasio undoilue; nduzo nundoilue ukiloogua nuTata waane, nineene nĩkakumuloogua nukukigyelela kumuakue.”

Nineene nĩkakumulompa uTata, nduzo ukakumupeela Mualĩĩlia numuua, wikyale niniinie ĩkalĩ nakalĩ; uMuau nwa tai; uunkũmbigyulu sika wishũũma kukumuanũnkula kunsooko sika umuoonie, sunga sika umulĩngile. Ĩnie mumulĩngile kunsooko wikyalile kumuani, nduzo ukitũla munsĩ yaani.

Luensi namukakululompa muliina liane nĩkakulutenda, uTata wakuligue muMuana. Luensi kanga munompe muliina liane nĩkakulutenda.”

Kanga mundoogue mukikendegeela ĩmalagĩĩlio maane.

Munumba mwa kĩTata waane ukoolĩ wikyalo wingĩ; kanga ĩsika iio, aza nijilekumuĩĩla. Nalongola kukumuzĩpĩlĩĩlia uwĩĩmo.

Pĩna nalongola kukumuzipilĩĩlia uwĩĩmo, nikiiiza kangĩ numuanũnkule kumuane, koona pĩna nĩĩlĩ ĩne, niniinie muĩ paapo.

uTomaso numuĩĩla, “Shekulu, sika kumanile kĩna ulunziĩ, kukakumĩmana mbii ĩnzĩla?”