Popular Bible Verses from Yohana 15

Share

Ĩne neene muzabiibu, inie mwĩntambĩ. Nwikyalile munsĩ yaane nineene munsĩ yaakue, ukupĩĩkagiaa. Kanga ĩsika neene sika mwishũũma kwitenda kalukaani.

Kyalĩ munsĩ yaane, nineene munsĩ yaani. Kĩna ulutambĩ nasika lusũũmile kwipĩa lwing'ene kanga lusiite kukikyala mumukali, iio niniinie kanga musiite kukikyala munsĩ yaane.

Kanga mwikyale munsĩ yaane ninkaani zaane zikyale munsĩ yaani, lompĩ luensi namusiiile, mukitendelua.

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Ukutilĩ nutĩĩte uloogua naukulu kwikĩla uu, umuntu wapũnie uuumĩ waakue kunsooko ya asuaĩĩa.

uLutambĩ luensi munsĩ yaane nasika lukupĩaa inkali ukululeegagiaa; luensi nalukupĩaa ukulusogolelaa koona lupĩĩkie inkali ningĩ.

“iLyagĩĩlio liane ntĩĩli, mwiloogue kĩna alĩ numuloilue inie.

Iio uTata waane ukukulagiguaa, pĩna mukupĩaa inkali naningĩ; niniinie mukitũla amanigua aane.

“Ĩne neene muzabiibu wa tai, nuTata waane ingĩ mulĩmi.

Wensi kanga wasiite kukikyala munsĩ yaane, ukutaagaguaa kunzi zĩ lutambĩ nukwiuuma; nintambĩ zukuilingĩĩlagua nukwitaagua mumooto, nazishonsua.

Izi alĩ numuĩĩlĩĩle, uulumbi waane wikyale munsĩ yaani nuulumbi waani utimĩĩligue.

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

Izi nukumulagĩĩlia koona mwĩloogue.”

Kanga ĩazaa mwa unkũmbigyulu, uunkũmbigyulu aza wijile kualoogua ĩaakue; ĩpa kunsooko inie sika mwa unkũmbigyulu, ĩpa ĩne alĩ numusaaguĩle inie muunkũmbigyulu, iio gua, uunkũmbigyulu ukumusuukĩlaguaa.