Popular Bible Verses from Yohana 16

Share

Izi alĩ numuĩĩlĩĩle muĩ nĩmatiliga mumuane. Muna unkũmbigyulu mutĩĩte luago ĩpa kamiĩ nkolo; ĩne naudulile uunkũmbigyulu.”

Ĩpa pĩna ukiiiza unuasio, uMuau nwa tai, ukakumutongeela inie mutai tũlũ yensĩ, kunsooko sika ukakĩtambulĩlia wing'ene, ĩpa ziizo nukakuziigia ukitambula; sunga nazijile ukakumutanantĩlia.

Sunga ĩpaino sika mulompile kalukaani muliina liane. Lompĩ, mukiligia, uulumbi waani wĩĩ ukamĩnkĩĩlũ.

Ĩpa ĩne namuĩĩla ĩtai, yumũjĩpĩle inie ĩne ndege; kuitĩ kanga nsiitilega, uMualĩĩlia sika wijile kumiani; ĩpa kanga nende nĩkakumutuma kumuani. Na waaza unuasio ukakuusokia uunkũmbigyulu kumpola za mulandu nĩkulukuuluu nuulamuli.

Iio niniinie mutĩĩte uusungu ĩpaino, ĩpa nĩkakumuona kangĩ ninkolo zaani zikilumba, nuulumbi waani ukutilĩ nukumuleegelia. Mulutondo luasio sika mukinkolia kalukaani. Tai-taaii namuĩĩla, luensi kanga mumulompe uTata muliina liane ukakumupeela.

Tai-taaii namuĩĩla, mukikuuta kĩlĩlo nukwilĩla inie, ĩpa uunkũmbigyulu ukilumba; inie mukileetelua usungu, ĩpa uusungu waani ukikaĩlĩka wĩĩ ulumbi.