Popular Bible Verses from Enaidurra 2

Share

Nening Enkai ilo somit lenye, nedamu Enkai olning'o lenye lo sotua o Abraham o Isaak, o tenebo Yakobo. Nedol Enkai iltungana le Israel, neyiolou Enkai empukunoto enye.

Ore etulusoitie ilarin ooikash, neye ilo aiguanani le Misiri. Neton ake eisomita iltung'ana loo Siraeli te sinkaisho enye, neyietu aaishiru eretoto; ore ilo kiyioi lenye le sinkaisho neilep enetii Enkai.

Nebulu ina kerai, neyau ninye ayaki entito e Farao, neaku ninye olayioni lenye, neipot enkarna enye ajo Musa, amu etejo, “Te nkaraki naitayio ninye ti atua ina are.”

Nejoki entito e Farao ninye, “Iwa ina kerai, pee kintubulaki nanu, naa kaaisho nanu olekoisiaayio lino.” Neya ina kitok enkerai aitubulu.

Ore ina kata ake nelotu entito e Farao adou aisuja to lkeju, nepuonu nkaisiaayiak enyena te mbata o lkeju; nedol ninye enkikapu ti atua iseyia, neirriwaa enkaisiaayiani enye meyau.

Ore nabo olong, etubulua Musa, neipang alo enetii iltung'ana lenyena nedol enkiroishi e siaai nagol naasita. Neitoki adol Olmisiri earita Iheburaniai, obo loo ltung'ana lenyena. Neing'oring'orisho, ore ake pee edol ajo melio oltung'ani hoo obo, near ninye ilo Misiri metua nenukaa ti atua osinyai.