Popular Bible Verses from Enaidurra 3

Share

Nejoki Enkai Musa, “ARA NANU ILO ORA.” Neitoki ajo, “Tiaaki ena iltung'ana loo Siraeli, ‘ARA NANU laairriwua nanu enitii.’ ”

Nejo ninye, “Ekaaku te nebo iyie, naa ena nalo aaku olmonekie te iyie, nchere aairriwayie: ore ake pee indip aitupuku iltung'ana aitung'uai Misiri naa ipuonunu aaisiaai Enkai tele doinyo.”

Neitoki ninye ajoki, “Milotu anyiku, intayu inamuka inono too nkejek inono, amu ore ine wueji nintasheyie naa ewueji nesinya.”

Neitoki Olaitoriani ajo, “Atoduaa osomit loo ltung'ana laainei ootii Misiri, natoning'o olkiyioi lenye te nkaraki ilaitasheikinok lenye; ayiolo olosilisili lenye, naewuo nanu adou pee aitajeu ninche metupuku aing'uaa enkaina oo ltung'ana le Misiri, nayau ailepunye ninche metupuku aing'uaa ina kop nepuonu enkop sidai nalala naruko inaishi o kule, aapuo ewueji oo Lkanaani, o Lhiti, Ilamori, Ilperesi, Ilhifi o Lyebusi.

Neipang'aki ninye olmalaika le Nkai to lng'ejep le nkima opuku te mpolos o sanag, neing'or, naa ng'ura, eyupuyupito osanag, neitu emut enkima.

Wou, amu kaairriwaa nanu iyie enetii Farao, pee itum ashomo aitayu iltung'ana laainei, lelo ayiok loo Siraeli, metupuku aing'uaa Misiri.”