Popular Bible Verses from Jɔɔnn 15

Share

“Mine tee tiik maŋ, ki yimme tee li yiinii. Wunba gaa n paak, ki n mun be u ni, ŋɔɔe sii lôon lɔɔna bonchiann, kimaan mi-i kaa i ni, i kan fit tun siari.

Yii gaa n paak man, ki n sii be i ni. Tiyiinu kan fit lon lɔɔna, see ki u gaa tiik paak. Li mun bia tee nnee, i kan fit lon lɔɔna, see ki i gaa n paak.

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Loonjaansiar kaa ki gar nirɔ-n sak ki gaar u yɔɔsinba paak ki kpo.

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Nee tee n sennu ki n senn ki turi, ma yii loon i leeb kaman nan ma loon yimm biaŋinba na.

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Li poorpoe ki Yisa yet a “Mine tee barmɔnii tiik na, ki n Baa Yennu tee li ŋammtɔɔ

Ki jenna, wunba ki yɔɔ gaa n paaki, Yennu sa chɔɔe ki lu kaman nan ba tuu chɔɔ tiyiinu nba ki lu ki wun koor na. Li tiyiinboorue ki bi tuu tikir ki joo muu.

“N pak na ki turi a n parpeenn na boorue mantik-ii be i ni, ki saa yakir.

Li-i tee ki i saak n mɔb, n loomm sii be i ni. Li mun bia tee nnee ki n saak n Baa Yennu mɔb, ki u loomm mun be n ni.

Linba nee ki n pak senn ki turi, ma yii loon i leeb man.

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.