Popular Bible Verses from Luka 5

Share

Tukha äni ma Simon tea, “Vaihi bälawng bung tui käthu mang-a haw. Tu-a nang ce mawi ne hethang mawipry jae ö” näpa.

Tukha Simon ma “Särae ä, kai ce lä kärung rungtaw mawi ne hethang aethaw aesa ngaila, äte haetä la dang y vi. Tungaila nang ma thui te phüng-a kai ce üng pry na jae haile ai mang” näpa. Äni ce ma pry jae haile kha pry aesä-ei aenai rung khytä mawi na lä awng mang-a dang pa ö dy.

Tungaila Isu lä khimi awng y te mityng mang-a ly ja kha aetang vävawi pa vi dy.

Kai lä khimi cüng saite na bung ka hethang ly te y. Khimi hunghö na ae-ui hethang tähang ly te kae” näkha mäthang pa dy.

Hikä Simon Peterae ma nung te kätü-a lä, äni lä Isu üng maw-a khokhö didü kha Isu tea “Kai teng üngta ly ja la, Areng ä, kai lä hunghö awng mang saite khimi kae vi” näpa.

Isu ma äni ce tea “Känaw käsaw awng y saite na lä latang bung ngai y lyng. Tungaila naw te khimi lä ngai vi.

Tupyng-a Simon hai äma üng äpy na lä äma ce üng bälawng na tui teng-a nähai haile kha ätete angxynlyng na khaisö ea Isu leithung hui pa ö vi dy.

Känitä-a Isu lä märü haetä-a awng ea ängang käsi mang bung saite khimi lawngtä lä äteng-a ly pa vi. Äni ma Isu bung nung te kätü-a, Isu teng-a aebo kha mimai bü käthu te hai “Areng ä, nang ma aely ngai dylä kai bung hawi sa haw he kae” näkha näpa vi. Isu ma äma üng kö bäjang kha khimi känaw tea “Kai aely ngai cy. Hawi lawi sy” näpa. Tänaetäma äni üng ängang käsi lä hawi praw pa raw vi dy.

Tungaila Isu üng angthang lä aethang rae pa vi dy. Tukätephüng-a khimipui käleng na lä Isu üng lo tängai hethang hai äma ce üng känaw käsaw na hawi hai hethang äni teng-a ly ö mang pa vi dy.