Popular Bible Verses from Luka 6

Share

Khimi ce tea mäsai y te hai py pa ö. Tukä ea ni Säthaw ma nang ce tea mäsai y te hai py ai. Säthaw lä nang ce tea kähawi-a nä-e kha tähüng saite tawng käkawi pang-a nüng ea py ai mang. Nang ce lä khimi ce tea nüng kha py te kätyng Säthaw lä nüng kha nang ce tea py by ai” näpa.

Khimi kähawi lä kähawi-a aedawng te phüng-a khimi ce tea kähawi sa kha kähawi-a ni thui vi ai. Khimi käsi lä hawi y saite aedawng te phüng-a khimi ce tea hawi y sa kha hawi y saite lo ni thui vi ai. Ätephüng-a mei nädylä äma üng bälung thung-a kawi saite na ni äma üng täbawng mang tho te phüng-a vi.

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Känipre üng Pä-ai Säthaw ma khimi ce tea bäheng te kätyng nang ce la khimi ce tea bäheng ö tyng jo.

“Khimi ce tärae cei ö hang. Tudylä nang ce tea Säthaw ma cei y ai mang. Khimi ce tea äpre py ö hang. Tudylä Säthaw ma nang ce tea la äpre py y ai mang. Khimi ce üng hunghö tea bälawi ö. Tudylä nang ce üng hunghö tea Säthaw ma bälawi ai.

“Kai lo thai saite khimi na ä, nang ce tea kai thui te lä, nang ma ce üng täre na tea bälung aevaw ö. Nang ce tea esäre saite na tea kähawi sa pa. Nang ce tea täking saite khimi na tea Säthaw ma tähang kähawi py hethang aetang pa. Nang ce tea mätang bälai-a sa saite khimi na tähang aetang pa ö.

Mä-ai ma tea kähawi sa hethang ngai hai te kätyng, khimi kälang na tea la sa pa ö.

Nang üng tangbeng täbeng saite khimi tea, pheitä mang aetüng pa be re. Nang qawng üng kä-o la saite khimi tea äthung üng kä-o py pa be. Nang tea mäkai saite khimi qütä na tea py pa. Nang üng ingthawng la saite khimi tea lä aethaw paitae hai mäkai haile hang.

“Äkung kähawi-a äthai kähawi y aethai vai te y vi. Äkung kähawi y-a lä äthai kähawi aethai haw y.

Äthai tea kheng kha äthai kung phüng mäny haw te vi. Khimi ce ma thaidö thai tea angling kung üng jö haw te y. Cäpje thai bung lä angling kung üng jö haw y.