Popular Bible Verses from ACT 1

Share

Asinain nan cungahThiang Thlarau a phâk tikah thiltikhawhnâk nan ngei lai, Jerusalem le Judah ram vialte, Samaria ramkip le vanhram deng tiangin ka bia hngalhpitu nan si lai,” tiah a ti.

Anih nih, “A ni le cân Pa nih Amah nawlngeihnâk i a chiahmi cu nannih hngalh awk a si lo.

Cun hmunkhat i an i pumhnâk ah a umpi hna i Jerusalem chuahtâk lo ding le Pa biakammi hngak dingin nawl a pêk hna, “Cucu” A rak chimmi, “Ka sinin nan theih cangmi kha a si; zeitintiah Johan nih ti in Baptisma a pêk tak tak, asinain a rauh hlanah Thiang Thlarau in Baptisma nan co lai,” tiah a ti.

an sinah a palh kho lomi hngalhpinâk tampi he, a temtuar hnuah a nung ṭhân tiah â langhter, ni sawmli chung an hmuh khawh dingin â lang i Pathian Pennâk kong kha a chimh hna.

Cu thil a chim dih in, an hmuh hngan teah vanah cawi in a um i khuadawm nih an hmuh khawh lonâk ah a lâk.

Cunglei ah a kai i cat loin vanlei zoh in an dir ko lioah, zohhmanh puanrang â aihmi pahnih an pawngah an dir i an sinah, “Galili mi hna, zeiruangahdah vanlei zohin nan dir ko? Hi Jesuh nan sin i vanah a kaimi hi, van i a kai nan hmuh bantuk te hin a ra ṭhân lai,” tiah an ti.