Popular Bible Verses from LUKA 3

Share

Mi vialte nih baptisma an in lio ah, Jesuh zong nih baptisma a in ve, thla a cam lio ah van kha â ong. Cun Thiang thlarau cu ṭhuro pum bantukin a rung zuang i a cungah â fu, van in aw a rung chuak i, “Nangmah cu ka dawtmi Fapa na si; Na cungah ka lawm tak tak,” tiah a ti.

Johan nih a leh hna i an dihlak sinah, “Kei nih ti ah baptisma kan pêk hna; asinain keimahnâk i a ngan deuhmi a ra lio, a kedan hri phoih awk hmanh ah kâ tlâk lo. Amah nih mei le Thiang thlarau in baptisma an pêk hna lai.

Cucaah theitlai chuah lakin i ngaihchih u. Abraham tefa kan si, tiah ruat hlah u. Duh sehlaw, Pathian nih hi lung hna hmanh hi Abraham tefa ah a canter khawh, tiah kan ti hna.

Atu thawkin thingkung hramkip ah hreitlung an chiah cang. Cucaah theitlai ṭha a tlai lomi thingkung pauh cu an hau i mei ah an hlawnh,” tiah a ti.

Profet Isaiah cauk chungah, “Ramcar chung i aunâk aw nih, Bawipa lam remh ulaw, a lam kha dinter u. Horkuang vialte chilh dih ulaw, mual le tlang kip niamter u, lamkawi mi dinter ulaw, lam bingboh mi ruanter u. Cun mi vialte nih Pathian khamhnâk cu an hmuh lai,” a ti, tiah â ṭial bangin.