Popular Bible Verses from GENESIS 22

Share

Abraham in huai mun min, “Jehovah Jireh,” asa hi; tuni tan a, “TOUPA tang ah ngaihtuah hi na ve,” achih zel bang un.

Ama'n, “Na tapa, na tapa neihsun, na ittak, Isak tonpih inla, Moriah gam ah pai in, huai ah ka hon hilh ding tang khat ah halmang thillat in amah lan in,” achi hi.

Ama'n, “Naupang tung ah na khut kha ke'n. Amah bangmah loh ke'n. Na tapa, na neihsun mahmah leng kei a dia na it louh ziak in Pathian na lau chih tu in ka theita,” achi hi.

Abraham in, “Bawi, Pathian in amah a dia halmang thillat ding belamnou angaihtuah tawm ding hi,” achi a; anih un apaikhawm zel uhi.

K'on vualzawl ngeingei ding a, van a aksite zah leh tuipi piau a piaunel zah in na suante ka pungsak ngeingei ding. Na suante'n adoute uh kulh kongkhak atang ding uhi. Ka thu na man ziak in na suan ah leitung a nam chih vualzawl in a-om ding uh,” achi hi.

Huai thilte nung in Pathian in Abraham a-enchian hi. Akiang ah, “Abraham,” achi a; ama'n, “Hiai ah ka om,” achi hi.

TOUPA angel in van a kipan amah asam a, “Abraham, Abraham,” achi a, ama'n, “Hiai ah ka om,” achi hi.

TOUPA angel in anihveina ding in van a kipan Abraham asam nawn hi. “Hiai thil na hih ziak leh na tapa neihsun na it louh ziak in kei mahmah in ka kichiam hi.

Pathian in ahilhna mun ava tungta ua, Abraham in huai ah maitam adoh a, sing chiangkhawm in, atapa Isak ahen a, maitam a sing tung ah alumsak hi.