Popular Bible Verses from JOHAN 12

Share

Kuapeuh in ka nna a sepleh honzui hen; ka omna ah ka sikha leng a om ding hi; kuapeuh in ka nna a sep leh Pa’n amah a pahtawi ding hi.

Kuapeuh a hinna it in a mangsak ding a; kuapeuh hiai khovel a a hinna ngaineu in tangtawn hinna ah a kem ding hi.

Chihtaktak in, chihtaktak in, k’on hilh ahi, Buhtang lei a a kiaka, a sihphot keileh, amah kia in a om tawntung hi; a sih inbel, tampi in a gah hi.

Vak khovel a hongpai pen ka hi, kuapeuh kei hon gingta mial a a omlouhna ding in.

Kuapeuh ka thugen za in, gingta kei mahleh, ken siamlouh ka tangsak kei: khovel siamlouh tangsak ding a hongpai ka hi kei a, khovel humbit ding a hongpai ka hi zaw hi.

Mari in spiknardi buk kimkhat thaunamtui manphatak a hontawi a, Jesu khete a nuh a, a sam in a nul a, huai thaugim in insung a dimta hi.

Tumnahte a tawi ua, dawn ding in a pawtkhia ua, Hosanna, Toupa min a Israelte Kumpipa hongpai a hampha e, chi in, a kikou uhi.

Jesu’n a dawng a, a kiang uah, “Mihing Tapa pahtawi a a omna ding hun a tungta hi.