Popular Bible Verses from JOHAN 16

Share

Hiai thute na kiang uah ka genta hi, keimah a na khamuanna ding un. Khovel ah gimthuakna na neiding uh, himahleh khamuangtak in om un, ken khovel ka zouta, a chi hi.

Himahleh amah Thutak Kha a hongtun chiang in, thutak tengteng ah nou a honpi ding; amah phuahtawm in thu a genkei dia; a zak peuhmah a genzaw ding, thil hongtung dingte leng nou a hon theisak ding hi.

Tu tan in ka min in bangmah na ngen nai kei uh. Ngen un, huchi in na mu ding uh, na kipah uh a kimna ding in.

Himahleh thutak k’on hilh ahi; ka pai nou ding in a hoihzaw hi; ka paikei leh Khamuanpa na kiang uah a hong tungkei ding a; ka pai leh bel na kiang ua honsawl ding ka hi. Amah a hongtun chiang in, khelhna, diktatna, leh vaihawmna thu ah khovel a siamlouh dan a theisak ding hi

Tuin nou na lungkham uh; himahleh k’on munawn ding a, na lungtang uh a kipak ding, na kipahna uh kuamah in hon laksak kei ding hi. Huai ni chiang in nou kei bangmah n’on ngen kei ding uh. Chihtaktak in, chihtaktak in, k’on hilh ahi, Pa kiang a bangpeuh ka min a na nget uleh a honpe ding hi.

Chihtaktak in, chihtaktak in, k’on hilh ahi, na khitui uh a ke ding a, na kap huphup ding uh, khovel bel a kipak ding; na lungkham ding ua, himahleh na lungkham uh kipahna a suak ding hi.