Popular Bible Verses from LUKE 3

Share

Huan mi tengteng a baptist zoh in, hichi ahi a, Jesu leng baptist zoh a a om in, a thum a, van a hong kihong hi, Kha Siangthou sa pu in vakhu bang in a hongsuk a, a tung ah a tuta a; van a kipan in aw a hongpawta, “Nang ka Tapa deihtak na hi; na tung ah ka kipak mahmah” a chi hi.

Johan in a dawng a, avek ua kiang ah, “Ken tui in k’on baptist a, himahleh keimah sang a mi thupizaw a hongpai ding, a khedap khau pheltak leng ka hi kei; aman Kha Siangthou leh mei in nou a hon baptist ding.

Huchi in kisik minpu tak in gah un, Abraham ei hon suangpa ahi na lungsim un chi kei un; Pathian in hiai suangte Abraham suante in a dingsak thei chih k’on hilh ahi.

Tu mahmah in heipi singbul teng ah koih ahita; huchi in, sing chih gah hoih a gahlou peuhmah phuk in a om a, mei ah paih in a om” a chi hi.

Zawlnei Isai laibu a, “Gamdai a kikou aw in, Toupa lamlian sial unla, a lampite tangsak un. Guam chih sundim ahi ding a, tang leh mual chih, hihniam ahi ding; lampi kawite tansak ahi ding a, lampi phokte mamsak ahi ding. Huan mi tengteng in Pathian hotdamna a mu ding uh” a chi, chih gelh bang in.