Popular Bible Verses from CHWEKETIN 7

Share

Npugü le zo, “Ale nlope raja gü mhundyü ka Sunggigü hontse lo ntsa Aaron no n sidyükeshagü hontse shüti.

Ai ale raja nyun thyüpe rü lati, tson-o ale Ijipt nyu ketetsin kethyü tsükho lakhi thyü bin-e a-le hai khwen nyüshü loho. Tson-o ale shaja kerü senryü Ijipt nyu ge shüo atemi dan zen-o kazü tsügü nkenchwi lati.

Lo Ijipt nyu le ale abenshwe pe anyugun ntsun-o anyugun kazünyu Israel nyu zenchwi lalo, Ale Sunggigü tse kethyü sha loti.”

Tsontsin raja güle a-temi thakeshanyu lo temvunyu ju koshü tson-o anyugun ko temvuo tsü hontse thyü shü la. Anyugun ko anyuthün shwenshü lo tsüle peri ngwa la. Ai Aaron thün le anyugun thün dan nyilo la.

Tsügenyu Raja gü, Npugü le hihontse zo hünyo, a-le nyuthyü tiyo tsüge a-le segü yo nle sha loti. Nrishü, ale thün higü pe zü gü vüshüti, lo zü tsüle tezi ngwa lati.

“Raja gü le nduntho nme thyüo Sunggigü le hai nishü tse kethyü tsinshülo tson yatselo, Aaron no a-thün shwen pe raja gü mhundyü nyu shülo tsüle peri ngwa lati.” Tsügenyu Npugü le au ka zokeshü hontse Mosa lo Aaron au le raja ki gü. Tson-o Aaron le a-thün shwen pe Raja lo a-hensin keda nyu dan mhundyü nyu shü, laryü tsüle peri ngwala.