Popular Bible Verses from GALATIATE 6

Share

Huleh sil hoih bawl i chimtaah sih diing uh; ajiahchu i lungkiah louhleh a hun tahin i aat diing uhi.

Hujiahin hun lemtaang i neih bangjelin mi zousiah kawmah sil hoih i bawl diing uh, a diahkhol in ginna a i innkuanpihte kawma i bawl diing uhi.

Khat leh khat na puaahgih uh kidawn chiat unla, huchi'n Khrist daan juikim un.

Heem in um sih un; Pathian chu muhsit gual ahi sih hi; ajiahchu mi’n a tuh phot uh, humah chu a aat kiit diing uhi.

Ajiahchu tahsalama tuhpa’n tahsalama siatna a aat diing a; hizongleh Hagau lama tuhpa’n chu Hagau a kumtuang hinna a aat diing hi.

Unaute, mi kua aha a suhkhelhna a matdoha a um leh, nanguh hagau mite’n, nangmah ngei zong heemna na tuaahkha diing chih ngaihtuah in, huchibang mi chu thunuaigolhtahin tung diing kiit un.

Ajiahchu mi bangmah hiloupi a a kingaih saang leh amah leh amah a kihem ahi. Hizongleh mi chinin amah natoh kietchian chiat zaw heh, huchi'n midang tung hilou in, amah chauh tungah suan diing a nei diing hi. Ajiahchu mi chinin amah puaah chiat kipuaah diing ahi.