Popular Bible Verses from THUPHUANDOH 8

Share

Huleh ama’n chiamchihna sagihna a phel zohin pung makhai dibang sung vaan chu a sip kiikeei a.

Angel khatna in a muut a, gial leh mei sisan toh kihal ahung umta a, hute chu leitung a paihkhiah in a um a; singkung mun thum a khen mun khat a kaangtum a, huleh hampa hing zousiah a kaangtumta hi.

Huin ka et leh, angel khat vaanlaizawl a leeng a, aw ngaihtaha, angel thum in pengkuul a muut diing, hu pengkuul gin hung um nalai diingte jiahin lei a umte a tunggih hi, a tunggih hi, a tunggih hi, a chih ka ja hi.

Huleh angel nihna in a muut a, mei a kaang taang lianpi hileh kilawm tui khang lian a paihluut in a um a; huleh tui khang lian mun thum a khen mun khat sisan ahung suaahta hi.

Huleh angel thumna in a muut a, aahsi liantah khat, meisel banga kuang vaan apatin ahung kesuh a, luidungte mun thum a khen mun khat leh tuikhuuhte tungah a tu a; Hu aahsi min chu Gamsaai ahi; huleh tui mun thum a khen mun khat chu gamsaai ahung suaahta a; huleh hu tuite in mi tampi a sita hi, suhkhaat a hihtaah jiahin.

Huin angel lina in a muut a, ni mun thum a khen mun khat, ha mun thum a khen mun khat, aahsi mun thum a khen mun khat suhsiat in a umta a; huchia hute mun thum a khen mun khat suhsiat ahihmah bangin suun chu mun thum a khen mun khat a vaah sih a, jan zong huchi mahin.