Popular Bible Verses from METHIU 13

Share

Chuta akthra leipiia aktla chikhanna trongkhata arungeihche arom. Chunna athloua akrah inrah arouin reija, arouin sopruk, mahche arounin sopthum amsuuk.”

Pekva kuling kaara chi aktla in trong atheihche tukleiramma ringnaleh doon khaalna rilkhanna trongkhata akrah marahnohsa.

Tunangkhat in kurung huunna trongta arungeih in rom acheknoh invah, akthranoh khatin thlenga arilsuunga avorhta sut a atlaanpei; mah chi akphah i lamkomma aktla chikhasa.

Chuta lungkaara aktla chi in trong arungeihche intha a roomthoksoh inruuia arouloh; chulata akjung thuuk a tlanoh, churel kakruta adouning, alamva klah knang mahche trong irella inchut jikcha athlenglai amahningvah intha a aningdongna veisa.

“Ringram huunna i lou inkhat ah inthup a am, mah chuvah tunangkhat in aktuukche veikhat mathup a asih lalnangsa; che amah in aroomthok rella seh a adoon naamte ajurhche lou inkhat aklei.

Chuta aktleiva akthra leipiia tla a akrah khalmo inrahsei, che arouin ahuum inkhat ah ahuum reija, arouin sopruk, che arouin sopthum inrah.

Chi luhnohmiil moongeiso! Chiluh aphahlai akvaat aksirmiita kisontuei, matsah a inlouta matlonna meia nanhaalnatu akhuh a kaanve, chuta kihuva kei tomsuunga bunve.”