Popular Bible Verses from Te Otinako 15

Share

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Ko kakaonimaki nakon Am berita, ao Ko kairiia aomata ake Ko kamaiuia; Ko kaawakiniia ni korakoram ni karokoa rokoia i abam are tabu.

Ao i mwiina, a roko n te tabo ae aranaki b'a Maara, ma e a manga rangi n tarika te ran ikekei n te aro are a aki kona ni mooi iai. Ao bon anne bukina are e aranaki iai b'a Maara. Ao a ngurengure aomata nakoni Moote, ao a taku, “Tera ngkai ae ti nang mooi iai?” Ao e kakorakora n tataro Moote nakon te UEA, ao E kaota te m'akoro ni kai te UEA nako ina, ao e karenakoa te kai Moote nako nanon te ran; ao e a riki naba ni mam te ran arei. Ao te UEA, E anganiia ikekei taian tua are a na maiuakinna, ao E boni kataia naba ikekei