Popular Bible Verses from Te Otinako 2

Share

ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a, ao i bukina naba ngke E ataa te b'ai ae e riki nako ia Ana aomata, ao E nanoangaiia.

A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia

Ao e a uota nako te ataei nakon mwengan tinan te ataei arei ao e tararuaia. Ao ngke e a bon ikawai, ao e uota nako te ataei arei nakon te natinuea te aine, are a tabekia b'a natina. E aranna b'a Moote, i bukina ngke e taku, “I katikiarake man te ran.”

ao e taku te natinuea nakon neierei, “Ko na tararuaa te ataei aei, ao N na kabooko.”

Ni bon te tai naba anne, e roko natin te uea te aine b'a e na tebotebo n te karaanga, ao neiere ana toro te aine e nanakonako i mataniwiin te karaanga. Ao e noora te b'aene i buakon taian uteute aika rietaata ao e kanakoa temanna te ateiaine b'a e na katikia rake man te ran.

Ao e otinako Moote ngke e a ikawai nakon te tabo are a mena iai oin ana aomata aika m'akuri korakora, ao e noora te I-Aikubita ae e orea temanna mai buakoia. Ao e taratara nako Moote n taraia b'a iai ae e nooria ke akea, ao I mwiina, e tiringa te I-Aikubita arei ao e tauna rab'atana n te tano.