Te Otinako 2
2
Bungiakin Moote
1E iein te mm'aane man kanoan Rewi ma te aine man te baronga naba anne, 2ao neierei e bungia te nati te mm'aane. Bon te ataei ae e tamaroa, ao e karabaa i nanon tenua nam'akaina. 3Ao ngke e a aki konaa ni karabaa, e a karaoa te b'aene man te uteute ao e kabiria n te taa. Ao e kaaki te ataei i nanon te b'aene arei ao e kaaki i buakon taian uteute aika a ab'ab'aki i mataniwiin te Karaanga are te Naire. 4Ao e teitei karimoan te ataei #2.4 m'anena are te ikawai: Miriam, m'anen Moote ao Aaron. arei are Nei Miriam, n taua raroana mai rouna n taataraa te b'ai ae na riki nako ina.
5Ni bon te tai naba anne, e roko natin te uea te aine b'a e na tebotebo n te karaanga, ao neiere ana toro te aine e nanakonako i mataniwiin te karaanga. Ao e noora te b'aene i buakon taian uteute aika rietaata ao e kanakoa temanna te ateiaine b'a e na katikia rake man te ran. 6Ao ngke kauka te b'aene te natinuea te aine, e noora te ataei ao e nanoangaia ngke e tangitang, ao e taku, “E na boni bae n natiia aine aika Ebera te ataei aei.”
7Ao e roko karimoan te ataei arei ao e taku, “Ko tangiria b'a N na kakaaea te aine ae te Ebera ae e na kaawakina te ataei anne?”
8Ao e taku te natinuea te aine, “Eng.”
Ma ngaia are, e a kaira rikaaki tinan te ataei arei, 9ao e taku te natinuea nakon neierei, “Ko na tararuaa te ataei aei, ao N na kabooko.”
10Ao e a uota nako te ataei nakon mwengan tinan te ataei arei ao e tararuaia. Ao ngke e a bon ikawai, ao e uota nako te ataei arei nakon te natinuea te aine, are a tabekia b'a natina. E aranna b'a Moote,#2.10 Moote: N Ebera Moote kanga ai aron katikia man te ran. i bukina ngke e taku, “I katikiarake man te ran.”
E birinako Mote mai Aikubita.
11Ao e otinako Moote ngke e a ikawai nakon te tabo are a mena iai oin ana aomata aika m'akuri korakora, ao e noora te I-Aikubita ae e orea temanna mai buakoia. 12Ao e taratara nako Moote n taraia b'a iai ae e nooria ke akea, ao I mwiina, e tiringa te I-Aikubita arei ao e tauna rab'atana n te tano.
13Ao ngke e manga oti nako Moote n te bong are i mwiina, e a manga nooria Ebera uoman aika a un. Ma ngaia are, e kawara te mm'aane are e moan karika te un ao e titirakinna ni kaangai, “E aera ngkai ko a manga bon orea raom ae bon kaain abam?”
14Ao e taku te mm'aane arei, “Antai ae e tuangko b'a ko na tararuaira ma ni karikiko b'a te tia motiki taekara? Ko nang manga tiringai naba, n aron te I-Aikubita arei?”
Ao e maaku Moote n te b'ai arei, b'a e a kakoaua b'a a tia aomata n ataa te b'ai are e a tia ni karaoia. 15Ao ngke e ongo te uea te b'ai are e a tia ni karaoia Moote, ao e tangiria n tiringnga. Ma e biri nako Moote ao e nako abaia kaain Mirian.
Ao ngke e tabe n tekateka Moote i rarikin te m'anib'a n te bong teuana, 16ao a roko itiman natin Ietero are ibongan Miria, b'a a na kamoiia ana tiibu ma ana kooti tamaia. 17Iai tabeman taani kaawakin tiibu ake a kataia ni kakioia nako aine akekei, ma e roko Moote n tei i bukiia ao e kamoiia aia man. 18Ao ngke a oki natin Ietero aine akekei nakon mwengaia, ao e a titirakiniia tamaia ni kaangai, “E aera ngkai kam moantaai n oki n te bong aei?”
19Ao a kaeka ni kaangai, “E tei i bukira temanna m'anen Aikubita mairouia taan kaawakin tiibu ake tabeman, ao e kamoiia ara tiibu ma ara kooti.” 20Ao e taku Ietero, “Ao e ngaa te mm'aane anne? E aera ngkai kam kiitanna ikekei? Kanakomaia b'a e na am'arake.”
21Ao e kukurei Moote n tiku iroun Ietero, are e a manga anga rimwi natina te aine are Nei Tibora b'a e na mare ma Moote. 22Ao ngke e riki natina te mm'aane, ao E taku Moote, “N na aranna b'a Keritiom,#2.22 Keritiom: N Ebera “Keritiom” kanga ai aron “te ianena.” b'a kiona ngke bon te ianena ngkoa ngai n te aba aei.”
23A bon teimatoa naba Iteraera ni ngurengure i mwiin maten uean Aikubita i bukina ngke a kairoroaki b'a a na riki b'a tooro. Ao a tang ni buubuti buokaia, 24ao E ongo tangiia ae e korakora te Atua. E aki m'aninga ana berita are E karaoia ma Aberaam, Itaaka, ao Iakob'a, 25ao i bukina naba ngke E ataa te b'ai ae e riki nako ia Ana aomata, ao E nanoangaiia.
Currently Selected:
Te Otinako 2: KNVB
Highlight
Share
Copy
Want to have your highlights saved across all your devices? Sign up or sign in
