Te Otinako 3

E Taetae Te Atua Nakon Moote

1N te bong teuana, ao Moote e tararuaia ana tiibu ma ana kooti taman buuna are Ietero are ibongan Mirian. Ao e iangoia Moote b'a e na kairiia maan ri nanon te rereua nako Tinai, #3.1 Tinai: N Ebera ao e koreaki ae “Oreb'a,” aran teuana Tinai. te maunga are e tabu. 2Ao E kaoti aneran te UEA nako ina n te buakoako n aroka ae e ura. E noora te buakoako n aroka Moote b'a e ura, ma e aki bue. 3Ao e taku i bon i rouna, “E kamimii te b'ai aei! N na nako ni mataku iai b'a e kangaa n aki buee.”

4Ao ngke E nooria te UEA b'a e a roko Moote i rarikin te buakoako n aroka, ao E a wetea arana, ao e kaeka Moote, “Aio ngai.”

5Ao E kaeka te Atua, “Ko na aki rangi ni kaaniiko. Buuta am kauniwae mai waem b'a e tabu te tano ane ko tei i aona.

6Bon te Atua Ngai are I taataromauriaki irouia am bakatibu ake Aberaam, Itaaka, ao Iakob'a.” Ao e maaku Moote n taraa te Atua, ma ngaia are, e karabaa matana.

7Ao E taku te UEA:

I a tia n noora aron rawaawatan tautoronakiia Au aomata i Aikubita, ao I ongo b'anaaia ni buubuti buokaia mai Rou i bukin te aro ae aki riai are e karaoaki nako ia, 8ao I ruo rikaaki ngkai b'a N na kamaiuia mairouia kaain Aikubita.

N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti. 9A tia ni buubuti Au buobuoki Au aomata, ao I a tia n noora te m'akuri ni iowawa mairouia kaain Aikubita nako ia. 10Ko na nakon te uea ngkai! I kanakoko b'a ko na kairiia Au aomata ni kaotinakoia man abana.

11Ma e taku Moote, “B'a antai ngai ngkai N na kawara te uea ma ni kaotinakoia am aomata mai Aikubita?”

12Ao E kaeka te Atua ni kaangai, “N na memena i roum. Ao ane ko na ataia b'a boni Ngai ae I kanakoko, ngkana ko taromauriai i aon te maunga aei ngkana ko tia ni kaotinakoia Au aomata mai Aikubita.”

13Ao E kaeka Moote ni kaangai, “N na tuangiia Iteraera b'a E kanakoai te Atua are a taataromauriia ara bakatibu. Ma tera ae N na taekinna, ngkana a titirakinai aram?” 14 E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.” #3.14-15 UEA: N te taetae n Ebera “YHWH (Yahweh)”, are rairaki b'a te “UEA” ao n taian rairai ni B'aib'ara n i matang, ao e a atongaki b'a “Ngai”, ae kona n nanonaki “b'a Ngai ae boni Ngai” 15Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi. 16Weteia ni kabane taani kairiiri i aon Iteraera ao tuangiia b'a E a tia ni kaoti nako im te Atua are E taromauriaki irouia Aberaam, Itaaka, ao Iakob'a. Tuangiia b'a I a tia n noora buakakan kairaia i Aikubita, 17ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

18Ane a na kakauongo i roum taani kairiiri i bukiia Iteraera. Ao i mwiina, ko na kairiia nakon uean Aikubita ao ko na kaangai, “E a tia ni kaoti te UEA ae Atuaia Ebera. Ko na kariaia b'a ti na nako n nakonako i nanon tenua te bong n te rereua, ike ti na konaa n anga iai ara karea nako Ina.” 19Ma I ataia b'a e na bon aki kanakoingkami uean Aikubita ni karokoa iai te b'ai teuana ae e na kairoroa b'a e na kariaia. 20Ma ngaia are, N na kamanenaa m'aakau ni karaoi taian kamimii n aroia nako ma n oroia kaain Aikubita ni kab'akaia. Ao ane e na kanakoi ngkami iai te uea.

21I mwiin, katuaaeaia kaain Aikubita, are a na rangi ni maakuko ao a na anganiko b'aai ni kabane ake ko tangiri. Bon Au aomata ngkami, ao N na bon kariaia b'a kam na uoti b'aai aika a m'aiti ngkana kam kiitana Aikubita. 22A na bane ainen Iteraera n nakoia kaain rarikiia aika ainen Aikubita ke ainen Aikubita ake a maeka n aia auti. A na buubutia te koora ao te tirewa are te b'ai ni katamaroa ao aia kunnikai aika rangi n tamaroa. Ane a na anganingkami kaain Aikubita, ao kam na kaaki b'aai aikai i aoia natimi mm'aane ma natimi aine. Kam na uoti baikai ni kabane ngkana kam kiitana Aikubita.

Currently Selected:

Te Otinako 3: KNVB

Highlight

Copy