Popular Bible Verses from N. Matu 28

Share

Falbhaibh ta, us teagaisgibh a h-uile cinneadh, gam baisteadh an ainm an Athar, agus a Mhic, agus an Spioraid Naoimh; A teagasg dhaibh a h-uile ni chumail, a dhʼàithn mise oirbh: agus, seall, tha mise maille ribh h-uile latha gu deireadh an t-saoghail.

Us Iosa a tighinn, labhair e riu, a g-radh: Thugadh dhomhsa a h-uile cumhachd air neamh ʼs air talamh.

ʼS an t-aingeal a freagairt, thuirt e ris na boirionnaich: Na biodh eagal oirbhse: oir tha fhios agam, gum beil sibh a sireadh Iosa, a chaidh a cheusadh: Cha n-eil e an so: oir dhʼeirich e mar a thuirt e. Thigibh, us faicibh an t-aite anns na chuireadh an Tighearna.

An sin thuirt Iosa riu: Na biodh eagal oirbh. Siubhlaibh, agus abraibh ri mo bhraithrean, iad a dhol do Ghalile, chi iad an sin mi.

ʼS air dhaibhse cruinneachadh comhla ris na seanairean, ʼs an comhairle a chur ri cheile, thug iad suim mhor airgid do na saighdearan, A g-radh: Abraibh gun tainig a dheisciopuil feadh na h-oidhche, us ghoid iad e, agus sinne ʼnar cadal. Agus ma thig so gu cluasan an uachdrain, cuiridh sinne impidh air, agus saoraidh sinn sibhse. ʼSa gabhail an airgid, rinn iad mar a chaidh a sheoladh dhaibh. Agus tha ʼn sgial so air sgaoileadh am measg nan Iudhach gus an latha an diugh.