Popular Bible Verses from Luka 10

Share

Nyi fa̱k la! N wa ka̱n nwuak nyin tyok tazwa a̱mgba̱m chet A̱tyu lak li nyin. A̱wot nyi na shai á̱ka̱tuk nzwák ma̱ng nyáng, a̱wot nyi swuo chet a̱tyu lak li nyin wu, a̱ yet A̱ta̱nyeang ka a̱ni. Da̱ mba, á̱ mbyia̱ kyang ku na shya̱ nyin a̱ni bah.

A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu. Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”

A̱gwak lyen doka wu si̱ nyia̱, “Musa lyuut nyia̱, ‘Ku yet ta hwa a chat A̱gwaza, a̱ yet A̱tyoli ang a̱ni, ma̱ng fwuo nyiung, ma̱ng a̱mgba̱m swuan ang ji, ma̱ng a̱mgba̱m chet ang hu, ma̱ng a̱mgba̱m a̱di̱dam ang wu. A bu chat a̱kpa̱ndang swat ang wu ma̱nang a nchat a̱pyia̱ ang a̱ni.’ ”

Yesu si̱ tak ma̱ng mman ta̱m na nyia̱, “Nta̱m chak yak na shi ba̱t. Da̱ á̱niet nta̱m ba ba̱ shi á̱kpa bah. Mat a̱nia, nyi naai A̱gwaza a̱tyu a̱ byia̱ nta̱m chak yak na a̱ni, da̱nian gu ka mbeang á̱niet ta̱m chak yak nggu ba, a̱wot a̱ ta̱m ba da̱ a̱vwuo chak yak ka.

“Nang Yesu ntyak shei kidee jini a̱ni, huhwa gu si̱ lyip a̱gwak lyen doká wu, ‘Da̱ li ang hu, a̱nyan wa mami á̱niet a̱tat a̱bya yet a̱kpa̱ndang swat a̱tyu nang á̱niet á̱tsaai ba tsot a̱ni?’ ” A̱gwak lyen doká wu si̱ nwuak Yesu shim nyia̱, “A̱tyu a̱ fa̱k kunak gu a̱ si̱ beang gu a̱ni; nggu wa.” A̱jawa Yesu si̱ nyia̱, “A̱tsak a̱lyiat, a nwuak shim hu cha̱chaat. Nwan, da̱ nat a nyia̱ a̱nia.”

Ma̱ninika nyi nat, a̱wot nyi yok bwung bah. N ta̱m nyin nang zón seap a̱ni mami a̱ka̱bwu a̱yit!