Popular Bible Verses from Luka 9

Share

A̱wot Yesu si̱ bu nyia̱ ma̱ng á̱kpa á̱niet ka, “Ka̱ a̱yin ma̱nyin chat khwi nung, ku yet gu ta hwa, gu yok chat a̱pyia̱ nggu bah; gu kyiak a̱team a̱khwu nggu wu a̱ faat kuzang a̱tuk, a̱ khwi nung.

Mat a̱tyu a̱ chat san swuan nggu ji a̱ni, a̱ na nwai nji. A̱wot a̱tyu a̱ nwai swuan nggu ji da̱nian nung mi̱ swanta hu a̱ni; nggu wa na shya̱ swuan sang sangba̱p ji.

A̱wot Yesu si̱ nwuak gu shim nyia̱, “A̱tyu a̱ tsa khap ma̱ng nyak khap, a̱ si̱ tsa a̱ bwan a̱ nwuan lilyim a̱ni; a̱ maai a̱ nwuo mi̱ Tyok A̱gwaza hu bah.”

“A̱wot yihwa na yet kpangti̱n ang ji, ka̱nang a shya̱ a̱mgba̱m zwá swanta ji, a̱wot nwan ma̱ a̱pyia̱ ang a si̱ nwai swuan ang ji?

Ka̱ a̱yin fa̱k nsum nung ma̱ng tyiet nung hu; ma a̱nia wa nung Nggwon A̱tyubishyi, n bye fa̱k nsum guu di̱n jen nang n na mbwuok mbai mi̱ a̱kyenkyai shi nung wu, ma̱ng a̱si̱ A̱tyia̱ nung wu, mbeang á̱za̱za̱rak a̱yaata̱m tswá A̱gwaza ba a̱ni.

Yesu si̱ nyia̱ ma̱ng a̱nggu, “A̱ka̱kyong swuat ma̱ a̱bubwong, a̱ka̱man mamang si̱ byia̱ a̱ka̱le. A̱wot nung, Nggwon A̱tyubishyi, n byia̱ a̱vwuo kwai bah.”

A̱jawa gu nyia̱ ma̱ng a̱mba, “A̱tyu a̱ san a̱da̱dei nggwon nang a̱si̱ kani a̱ni da̱nian nung, ku li á ngyei nung gwa gu san. A̱wot konyan wa san nung a̱ni, nung gwa gu san ma̱nyin nung bah; a̱ mun a̱ san A̱tyia̱ nung wu a̱ ta̱m nung a̱ni. Mat a̱nia, konyan wa swak ma̱ng yet a̱da̱dei wu mami nyin, nggu wa swak ma̱ng shi hu.”