Popular Bible Verses from Luka 14

Share

“Ka̱ a chat a yet nggwon ta̱m nung, ku myim a chat nung ba̱t swaak a̱tyia̱ ang wu, a̱yang ang wu, a̱byii̱k ang wu, á̱na̱nyiuk ang ba, mbeang swuan ang ji mameang. Ka̱ a̱nia wa bah, a maai a yet nggwon ta̱m nung bah.

Ma a̱nia wa, ka̱ a si̱ mi̱n kyiak a̱team a̱khwu ang wu a faat a khwi nung bah, a maai a yet nggwon ta̱m nung bah.

Mat a̱nia, a̱tyu a̱ nwuak a̱pyia̱ nggu shi a̱ swak á̱ghyang á̱niet a̱ni, A̱gwaza na ghyuai nggu. A̱wot a̱tyu a̱ ghyuai a̱pyia̱ nggu a̱ni; nggu wa A̱gwaza na tyia̱ gu shi hu.”

“Mat a̱nia, n hyia̱ ma̱ng a̱nyin; ka̱ nyi ghwon zwá nyin ji, nyi si̱ khwi nung bah, nyi maai nyi yet mman ta̱m nung bah.

“Ka̱ a shya̱ mi̱ fwuo nyia̱ a na nok a̱li, ku myim a ya nswan a nyia̱ a̱di̱dam, a fang kurum hu nang a na hyat a̱ni, a lii ka̱ ku na maai tyak ta̱m nok hu. Kalak ka a nok che kuntyin ji tyak, kurum ang hu si̱ lat, ta̱m nok hu na bwuok a̱ yong. A̱jawa á̱niet ba na mai ang, ba̱ mang ang a̱lyem nyia̱, ‘Inhii ang, a̱tyu wuni doot ta̱m nok hu. A̱wot a̱ byia̱ kurum ku maai nang gu na ntyak ta̱m nok hu a̱ni bah!’

Da̱ a̱kwonu a̱kya, ka̱ a shya̱ mi̱ fwuo a yei á̱niet ba̱ bai ya nkyayak; ku myim a yei á̱kunak, á̱niet ta̱luk nkap, á̱niet kwang a̱byin, ma̱ng á̱niet a̱fi̱fan. Mat ntangka̱i á̱niet a̱nia byia̱ kyang ba̱ na ntan ang a̱ni bah. “Ka̱ a nyia̱ a̱nia, a yet a̱tyu a̱li̱ba̱rka wa, mat A̱gwaza na nang ang zang ba̱t, di̱n jen nang á̱tsotswat á̱niet ba bye ndoot ma̱ng swuan ma̱ á̱niet ba̱ ka̱n kwi a̱ni.”

“Nfak ni̱ swan nya̱nyiat ba̱t, na̱ bu nyia̱ ta̱m nna hu. A̱wot ka̱ swat nya̱nyiat nna hu tyak, á̱ bu na nyia̱ ni á̱ mbwuok ma̱ng swat nya̱nyiat nna hu? Nfak na̱ tyak swat nya̱nyiat a̱ni, ni̱ tyia̱ a̱buk kyang. Na̱ na tyia̱ a̱byin ka ka̱ byia̱ chet bah. Da̱ mba, á̱ si̱ mi̱n nyia̱ bwum ma̱ng á̱na bah. Na̱ myim á̱ weam na wa. A̱tyu a̱ chat lyen a̱ni, yok gu myiai a̱fufwuo gu fa̱a̱k!”