Popular Bible Verses from Luka 15

Share

“A̱shushyuo a̱sam wu si̱ doot a̱ si̱ bwuok a̱ nat ma̱ng a̱tyia̱ nggu wu. Neet nang a̱shushyuo a̱sam wu ni̱ shya̱ ma̱ gbang, nang a̱tyia̱ wu ndi gu a̱ni, mat nang gu nchat gu a̱ni; a̱tyia̱ wu si̱ fa̱k kunak gu, a̱ si̱ doot, a̱ si̱ ni̱m a̱ si̱si̱ vwuk guu! A̱ si̱ san gu mbwak nfeang.

Mat nggwon a̱sam nung ka li nang a̱tyu a̱ khwu wa a̱ni. A̱wot a̱ si̱ bu doot ma̱ng swuan a̱ni! Ku li nang gu bwuk wa. A̱wot á̱ si̱ bu shya̱ nggu a̱ni!’ A̱jawa ba̱ si̱ ta̱bat song.

Yesu si̱ nyia̱, “Ma a̱nia wa ku na ndi Ma A̱gwaza tswazwa. Á̱ na gwai di̱n jen nang a̱tyu a̱ka̱tuk nyia̱ a̱nyiung nghwon a̱ka̱tuk nyia̱ nggu wu, a̱wot a̱ si̱ nwuo khwi A̱gwaza a̱ni. A̱gwai a̱nia na swak á̱si̱ á̱niet nswak a̱kubunyiung ma̱ng a̱kubunyiung ba ba̱ yet á̱tsotswat, da̱ ba̱ ka̱n bwuk a̱ni bah!

Kyang n na nyia̱ a̱ni huhwa hu; n na ndoot mbwuok nat a̱mali, n si̱ nyia̱ ma̱ng a̱tyia̱ nung wu, “A̱tyia̱ nung, n bwuo a̱bun da̱ a̱vwuo A̱gwaza ma̱ng a̱nwan.

“A̱jawa a̱shushyuo a̱sam wu si̱ nyia̱ ma̱ng a̱tyia̱ wu, ‘A̱tyia̱ nung, n nyia̱ A̱gwaza a̱ka̱tuk nyia̱, n si̱ mbwuo ang a̱bun. Huhwa n di n maai á̱ bu yorong nung nggwon ang bah.’

“A̱nyan wa mami sot nyin ji, ka̱ a̱ byia̱ zón seap chyi, a̱wot jhyung mami nji si̱ bwuk; yihwa nang gu na nyia̱? Me a̱ na ghwon á̱kum zón seap ka, ka̱ yet nswak a̱kubunyiung ma̱ng a̱kubunyiung ka, di̱n tyan ji ji̱ nshya̱ a̱ni; a̱ nat chat si̱ ji bwuk a̱ni a?