Popular Bible Verses from Luka 17

Share

Yesu si̱ nyia̱ ma̱ng a̱nggu, “Doot, a nat a̱mali. Nwuak fwuo ang hu da̱ nung hwa, san ang.”

Ku nang a̱tyu a̱wa nyia̱ nyin á̱ka̱tuk nyia̱ a̱ka̱natat a̱tuk a̱nyiung, a̱wot a̱ si̱ ghwon a̱ka̱tuk nyia̱ nggu wu a̱ si̱ bwuok a̱ bai ma̱ng a̱nyin nyia̱ nyi chi gu ndyo; ku yet nyin ta hwa nyi chi ngguu.”

Nang a̱tyo a̱nyiung mami á̱niet gbap swak a̱bya ndi nang á̱ nchoot gu a̱ni; a̱ si̱ bwuok a̱ nat da̱ a̱vwuo Yesu, a̱ si̱ nyia̱, “N dyep A̱gwaza!” A̱ si̱ kpaat a̱khwukhwut, a̱ si̱ kup a̱ghyi a̱byin a̱zaghyi Yesu a̱ si̱ gwai gu. A̱wot a̱tyu gbap a̱wa ku yet a̱tyu Sa̱mariya wa.

“Nyi cham pyipyia̱ nyin mbeang! “Ka̱ a̱tyu khwi nyia̱ a̱ka̱tuk nyia̱, nyi ni̱ nkam nyi bu jhyuk guu. Ka̱ a̱ ghwon a̱ka̱tuk nyia̱ wu, nyi chi ngguu.

Yesu si̱ nyia̱, “N wa ngyei n choot á̱niet gbap swak byaa? Á̱kum á̱niet a̱kubunyiung ka shya̱ a̱ji wa?

A̱tyoli Yesu si̱ nwuak ba shim di̱ kidee nyia̱, “Ka̱ nyi wa nnwuak fwuo da̱ A̱gwaza ma̱ chunchwiit nang a̱bantswa mustat a̱ni; nyi na nyia̱ ma̱ng a̱gba̱ndang a̱kwon wuni, ‘Ngat á̱ni̱nan ang ba! A si̱ ti̱p a̱pyia̱ ang mi̱ kyai a̱sa̱khwot!’ ” A̱wot nyi na li a̱kwon ka ka̱ khwi a̱lyiat nyin na!

A̱tyu a̱ chat san swuan nggu ji a̱ni, ji̱ na bwuk. A̱wot a̱tyu a̱ shim a̱ si̱ nwai swuan nggu ji a̱ni, a̱ na shya̱ nji si̱ nat sang sangba̱p.

Á̱ghyang á̱tuk, Yesu si̱ nyia̱ ma̱ng mman ta̱m nggu na, “Á̱ na mbyia̱ mai ma̱ a̱di̱di̱t ku na tyei á̱niet a̱ka̱tuk nyia̱ a̱ni. A̱mgba̱m ma̱ng a̱nia, ku swan a̱tyu a̱ yet jat mai á̱niet ba̱ ga̱u a̱ni! Tangka̱i a̱tyu a̱hwa, ku myim á̱ kyiak a̱gba̱ndang naan kwang, á̱ lya̱u gu ndyo a̱ma̱nfwuo, á̱ mat gu ma̱ a̱tsuung kyai a̱sa̱khwot! Si̱ a̱hwa na yet a̱ swak nang gu na ndaai bachyuang mman A̱gwaza na, ba̱ ga̱u ba̱ nyia̱ a̱ka̱tuk nyia̱ a̱ni!

“Ma̱nang hu ku ndi di̱n jen Nuhu gbangbang a̱ni; ma a̱nia wa ku na ndi mi̱ mam a̱hwa nang Nggwon A̱tyubishyi na mbwuok a̱ bai a̱ni. Di̱n jen Nuhu ji gbangbang, á̱niet ba ku shya̱ da̱ ya á̱ tsa nswuo á̱ tsa nyia̱ nyeang ma̱ng á̱ghyang, ba̱ng si̱ nat mam hu nang Nuhu nnwuo ma̱ a̱gba̱ndang kukwon a̱wak a̱ byia̱ a̱kup a̱ni. A̱jawa za si̱ ba̱ kin ta̱bat va ba̱t! A̱wot a̱gba̱ndang a̱ri̱giwa a̱sa̱khwot si̱ ghwut a̱ si̱ hyaai a̱mgba̱m á̱niet swanta ba.