Popular Bible Verses from བཀོད་པ། 22

Share

ཨབ་ར་ཧམ་གྱིས་གནས་དེའི་མིང་ལ་ཡ་ཝཱེས་ཡིར་ཨེ་ཞེས་བཏགས་ཤིང་དོན་ནི་དཀོན་མཆོག་ཡ་ཝཱེས་གནང་ངེས་ཡིན་ཞེས་པའོ། །ད་ལྟའི་བར་དུ་མི་རྣམས་ཀྱིས་དཀོན་མཆོག་ཡ་ཝཱེའི་རི་བོར་ཁོང་གིས་གནང་ངེས་ཡིན་ཞེས༌སྨྲའོ།།

དེ་ནས་དཀོན་མཆོག་གིས་འདི་སྐད༌དུ། ཁྱོད་ཀྱིས་རང་གི་གཅེས་པའི་བུ་གཅིག་པུ་སྟེ་ཨི་སཱག་ཁྲིད་ནས་མོ་རེའེ་ཡཱ་ཡུལ་དུ་སོང༌དང༌། བདག་གིས་སྟོན་པར་འགྱུར་བའི་རི་བོ་ཞིག་གི་སྟེང་དུ་བུ་དེ་སྦྱིན་སྲེག་ཏུ་ཕུལ་ཞིག་ཅེས་གསུངས༌སོ།།

དེ་ནས་ཕོ་ཉས་འདི་སྐད༌དུ། ཁྱོད་ཀྱིས་བུ་དེ་ལ་ལག་པས་རེག་པར་མི༌བྱའོ། །བུ་དེ་ལ་གནོད་པ་ཅི་ཡང་བྱ་མི་རུང༌ངོ༌། །ཁྱོད་ཀྱིས་དཀོན་མཆོག་ལ་དད་གུས་བྱེད་པ་ད་ལྟ་བདག་གིས༌ཤེས། ཅིའི་ཕྱིར་ཞེ༌ན། ཁྱོད་ཀྱིས་རང་གི་བུ་གཅིག་པུ་བདག་ལ་འབུལ་བར་ཡང་མ་འཛེམ་པའི་ཕྱིར་ཡིན་ཞེས་གསུངས་པ༌དང༌།

ཕ་ན༌རེ། བདག་གི༌བུ། དཀོན་མཆོག་གིས་དངོས་སུ་སྦྱིན་སྲེག་གི་ལུ་གུ་གནང་ངེས་ཡིན་ཞེས་སྨྲས་པ་དང་ཕ་བུ་གཉིས་ཀ་མཉམ་དུ༌སོང༌།

བདག་གིས་ཁྱོད་ལ་བྱིན་རླབས་ཆེན་པོ་གནང་ངེས༌ཤིང༌། ཁྱོད་ཀྱི་བུ་རྒྱུད་ནི་ནམ་མཁའི་སྐར་མ་དང་རྒྱ་མཚོའི་འགྲམ་གྱི་བྱེ་མ་ཇི་བཞིན་མང་དུ་འཕེལ་བར༌བྱ། ཁྱོད་ཀྱི་བུ་རྒྱུད་ཀྱིས་རང་གི་དགྲ་བོ་རྣམས་ཀྱི་མཁར་འཛིན་པ༌དང༌། ཁྱོད་ཀྱིས་བདག་གི་གཏམ་ལ་མཉན་པའི༌ཕྱིར། ཁྱོད་ཀྱི་བུ་རྒྱུད་བརྒྱུད་ནས་ས་སྟེང་གི་མི་རིགས་ཐམས་ཅད་ལ་བྱིན་རླབས་འཐོབ་པར་འགྱུར་ཞེས་གསུངས༌སོ།།

དོན་དེའི་རྗེས༌སུ། དཀོན་མཆོག་གིས་ཨབ་ར་ཧམ་ལ་བརྟག་པར་དགོངས་ཏེ་ཨབ་ར་ཧམ་ཞེས་ཁོའི་མིང་ནས་བོས་པ༌ན། ཁོ་ན༌རེ། ང་རང་འདི་རུ་ཡོད་ཅེས་ལན་བཏབ༌བོ།།

གློ་བུར་ཉིད་ལ་དཀོན་མཆོག་ཡ་ཝཱེའི་ཕོ་ཉས་ནམ་མཁའི་ཞིང་ཁམས་ནས་ཨབ་ར༌ཧམ། ཨབ་ར་ཧམ་ཞེས་ཁོའི་མིང་ནས་བོས་པ༌དང༌། ཁོས་ང་རང་འདི་རུ་ཡོད་ཅེས་ལན་བཏབ༌བོ།།

དེ་ནས་དཀོན་མཆོག་ཡ་ཝཱེའི་ཕོ་ཉས་ཐེངས་གཉིས་པར་ནམ་མཁའི་ཞིང་ཁམས་ལས་ཨབ་ར་ཧམ་ཞེས་ཁོའི་མིང་ནས་བོས༌ཤིང༌། དཀོན་མཆོག་ཡ་ཝཱེས་འདི་སྐད༌དུ། ཁྱོད་ཀྱིས་དོན་འདི་བསྒྲུབས་པར་རང་གི་བུ་གཅིག་པུ་ལའང་མ་འཛེམ༌པས། ངས་རང་ལ་བརྟེན་ནས་དམ་བཅས་པ༌སྟེ།

དེ་ནས་ཁོ་གཉིས་དཀོན་མཆོག་གིས་བསྟན་པའི་གནས་དེར་སླེབས་པ༌དང༌། ཨབ་ར་ཧམ་གྱིས་གནས་དེ་རུ་མཆོད་ཁྲི་ཞིག་བཞེངས་པ་དང་དེའི་སྟེང་དུ་བུད་ཤིང་ལེགས་པར་བསྒྲིགས༌རྗེས། རང་གི་བུ་ཨི་སཱག་ཐག་པས་བསྡམས་ཏེ་བུད་ཤིང་གི་སྟེང་དུ༌བཞག