Popular Bible Verses from Lucas 10

Share

Dedemdemen mi tu, nga binggayan ku kamu it pudir nga maꞌindaꞌeg mi i muꞌsang keseg it kakuntraꞌ ta nga si Satanas baw mga taawan ya, nga kabilangan nira mga dukul baw bangkunawa nga subuk tegday-tegdayan mi temed daꞌkamu maꞌunu-unu nira.

Temed tiyubag kanya it Ampuꞌan ngayti nga si Jesus, nga magꞌaat, “Marta, Marta, daꞌka na magkabaraꞌan ka dakel nga mga bagay i magkasasawan mu. Temed esa-esa lamang i talagang kaꞌilangan nga buwaten. Piniliꞌ ni Maria i subraꞌ ngaytu nga magayen, nga pagpagnegan yay panulduꞌ ku, baw ega naytu awaꞌen paꞌ situt kanya i piniliꞌ ya ngaytu.”

“Yay magkabasa ku duꞌun,” maat i tubag it manigpaꞌyag ngaytit urdin, “iyan magꞌaat nga, ‘Kaꞌilangan maꞌalen mu i Ampuꞌang Diyus mu, it ega desang awam, in daꞌga talagang kat nakem baw pikir mu nga tingled, baw kat muꞌsang keseg mu.’ Baw itu gasiꞌ nga, ‘Rarasan mu i masigkataw mu it subung nagat raras mu it sadili mu nga bilug.’”

Maat ya it kanira, “Kadakel it mga taw nga kupagneg it Magayeng Baritaꞌ, subung sirat lutuꞌ na nga tirigu. Dakulaꞌ talagay kaygen temed ega dakel i mga manigkayeg. Aypaꞌ magayen nga buwaten mi, pasanguꞌ-sanguꞌ kamu duꞌun it Ampuꞌang Diyus nga kanyay tagpuꞌun it kaygen ngaytu. Angutun mi nga tumaꞌeg na kanya it beken nga mga subuk manigkayeg ya nga mangadal gasiꞌ.

Ta kayti,” maat ni Jesus, “siyu manggid it kanirang tulu i nagpalteg it kamatuudan nga raras duꞌun it taw ngayti nga inatkayti ngaytit mga manigpanrangpas?” “Kat aken lamang,” maat i manigpaꞌyag ngaytit urdin, “iti, Samaritano, ka yay timnabang it kanya.” “Ta, in atkayan,” maat ni Jesus, “atkayan gasiꞌ i imu nga buwaten.”

Ta, mapanaw kamu na. Pagtaꞌgen ku kamu nga subung it mga tupa kat reetan it mga bunglun.