Popular Bible Verses from Lucas 9

Share

Bawnga may inaat ya siꞌ duꞌun it kadakel it mga taw nga magꞌaat, “In talagang ireg it maski siyu nga sumunud it aken, kaꞌilangan lipaten ya nay sadili ya nga kaꞌirgan. Subuk pasaꞌnen yat aldaw-aldaw i sadiling krus, ka yanay pagsunudun ya, aken na nga kaꞌirgan maski ikagtas nat ginawa ya.

Ka iyan magraras nga banar it kaꞌgenan ya, maꞌlam nagaytu asat kanya. Temed iyan temeꞌteꞌ it aken maski maat ikagtas nat ginawa ya, makanya talagay kaꞌgenan nga ega basta-basta.

Tiyubag kanya ni Jesus, nga magꞌaat, “In magꞌaradu i esang taw, basta manu-manu limingaw, ega mapakay i buwat ya. Ta atkayan naga, nga egay kapulusan kat kaꞌadiꞌan it Ampuꞌang Diyus i taw nga ega tingled i nakem ya kat pagsunud yat aken.”

Ka unuy mapulus it esang taw, maski na maat makanya i muꞌsang manggad situt banwa, in maꞌilang i kiyarurwa ya ka kaꞌaduꞌun it kakuriꞌan nga egay kaskedan?

Yay matuud, in siyu-siyu nga iꞌyaꞌ yay pasakep it aken baw pakimatuud ya it ampang ku, talagang aku nga Taga Langit nga Ipiyanganak it Taw, iꞌyaꞌ ku naga kanya, pagpaꞌuliꞌ ku siꞌ situ. Eeꞌ baꞌ, paꞌuliꞌ aku siꞌ situ, nga matanyag nay kabantugan ku baw kabantugan it Amaꞌ ku nga situ nat aken, baw kaꞌibaan kuy ega babasta-bastaeng mga anghil.

Katubag si Jesus, maat ya, “Unu, matuud yan? Magayen demdemen mu nga may mga luꞌguꞌ it mga bunglun, baw mga manu-manuk may mga pugad nirat kanira. Temed aku nga Taga Langit nga Ipiyanganak it Taw, egay tandaꞌ nga pagꞌistaran ku, in daꞌga maski ari na lamang.”

Baw maat yat kanira, “In siyuy tumanggap it waꞌwaꞌ ngaytu sabap it pamayaꞌ yat aken, aku i pagtanggapen ya. Baw iyan magtanggap it aken, ega lamang aku i pagtanggapen ya, in daꞌga pati Amaꞌ ku nga nagtaꞌeg it aken. Sabap iyan piyakatimawaꞌ it imyung muꞌsa, kanya talagay piyakamataꞌas.”