Popular Bible Verses from Lucas 8

Share

Baw itu, paꞌaaten ngaytu nga nasaꞌbugan nga magayeng lugtaꞌ, mga taw nga magayen i adat, nga pagpamayaꞌnen nirat kamatuudan i nagnegan nira nga ampang it Ampuꞌang Diyus. Ta it ipagdawaꞌ na duꞌun it ulu, baw pagpaꞌresan it pagsunudun, aypaꞌ ka magbuwaꞌ it magayen i pamayaꞌ nirat kanira.”

Ta, maresaen ngaytu nga nasaꞌbugan, iyan mga taw nga mamagpagneg it ampang it Ampuꞌang Diyus, temed in maꞌlay, madaꞌgan siꞌ i pamayaꞌ nira ka nasasaw nay pikiran nirat mga pagregnan baw mga paglabiyen nira nga subuk kamanggadan baw kasagyaan. Aypaꞌ ka ega ipagkabwaꞌ kat pangaꞌgenan nira.

Iyan beken nga subung it mabatuun nga nasaꞌbugan, mga taw nga pagkagneg nirat ampang it Ampuꞌang Diyus, pamayaꞌnen nirang lagi it masagya. Temed ega ipagdawaꞌ nirat magayen kat ulu nira. Aypaꞌ ka daꞌsira magpaneꞌteꞌ kat pamayaꞌ nira, nga subuk luwak nga ega maggagamut. Pagꞌabut it sukdan, mangindiꞌ nga lagi.

Bawnga iningkut ni Jesus i mga alagad ya ngayti, “Unuka ega pay pamayaꞌ baw pagsarig mit aken?” Temed magꞌiꞌlam sira baw naliluꞌ. Maamaatan sira, “Siyu kanya baytung matuud, nga maski deres baw bakat, in sekaten ya, magsunud it kanya?”

Pagpaꞌiguꞌan it nasaꞌbugan nga padalan, mga taw nga makagneg it panulduꞌ ngaytu temed malipatan nira naga, ka madali-daliꞌ mapisiꞌ ni Satanas isaꞌun daꞌsira kapamayaꞌ baw maribri.

Ta, daꞌgay ipagtaguꞌ nga daꞌga mapangrutan. Baw ipatantu isaꞌun matanyag i maski unu nga ega paꞌ natantuwan.

Iyan namuyaan it babay ngayti nga palan ega nataguꞌ it ki Jesus i binwat ya ngayti, magyeyegyeg kanyay nagpatpad bawnga nanluud duꞌun it sarungaan ni Jesus. Ipiyagtuturan ya, nga pagdedngegen it kadakel, in unuka nagpadiꞌkit kanya it ki Jesus baw in magꞌuꞌunu sakaling mindek i duguꞌ ya ngayti nga daꞌna ugaliꞌ. Ta, mampang si Jesus, maat yat babay ngayti, “Edeꞌ, piyagayen ka sabap it pamayaꞌ mut aken. Masagya ka nayang muliꞌ.”

Siyulag si Jesus it mga alagad ya ngayti. “Agalen! Agalen!” maat nira, “matgeb tami na baytu!” Egay beken, nagbangun si Jesus baw biyugrakan yay deres baw bakat. Ta sakaling yimnengyeng i deres baw limnantap nat atna.