Popular Bible Verses from Lucas 12

Share

Aypaꞌ kamu, magꞌaꞌalistu kamu nga pirmi, sabap mabut aku nga Taga Langit nga Ipiyanganak it Taw kat uras nga ega pagsisiguruun mi.”

Aypaꞌ siguruun mi nga magpasakep kamu na it Ampuꞌang Diyus, nga kanya nang kaꞌirgan i pagpaꞌresan mi. Bawnga iꞌildaw yat imyu i mga pagkaꞌilanganen mi ngaytu.”

Bawnga miyampang si Jesus nga ipiyagneg yat kadakel ngayti, nga magꞌaat, “Iyan magꞌintur kamu! Ipaꞌalaid mi talaga i adat nga maꞌingarum, sabap kusas, maski sang unu nang kadakulaꞌ, ega magkapuꞌgun it ginawat taw.”

Sabap yay matuud, in ari-ariyen i kamanggadan mi, simpri duꞌun nga pirmi i nakem mi.”

Ta, siyu manggid it imyu i makadungag it kaꞌgenan ya it maski sang dekeyeꞌ nga uras kat palibeg it pikir ya? Simpri ega.

Bawnga inaat ni Jesus i mga alagad ya, nga maat ya, “Aypaꞌ ipagꞌaat kut imyu nga ayaw kamut palibeg it pikiran mi it in ari mapisiꞌan it muꞌsang kaꞌilangan it bilug mi nga subuk pangaꞌen baw pagpakay.

Ta kamu, pagtatarimaen ya nga banar, nga maski buꞌuk mi, pagbibilangen ya nga muꞌsa. Aypaꞌ ega iꞌlaman mi i mabetangan mi situt banwa, sabap kat pamegbeg it Ampuꞌang Diyus i muꞌsa, baw talagang pagrarasan ya kamu, subraꞌ paꞌ it sang paenan nga dignes.”

“Ayaw kamut iꞌlam, kamu nga pagtatarimaen ku nga bilang dekeyeng paenan it tupa ku. Sabap kasasagyaan talaga it Amaꞌ mi i pabetang-betang ya nga sakpen ya kamu kat kaꞌadiꞌan ya.

Ka panawun lamang it pikir mi i mga manu-manuk nga ugak. Daꞌga baꞌ, daꞌsira magpanluwa-luwak u mamagpamgu, baw egay lagkaw nira? Temed daꞌsira pamagpuyangten ka pagpakaꞌnen sira it Ampuꞌang Diyus. Ta, daꞌga baꞌ subraꞌ kamu paꞌ it mga manu-manuk ngaytu?

Aypaꞌ kamu, ayaw kamut palibeg it pikiran mi it pangaꞌen u pagꞌimnun, baw ipaꞌalaid mi i adat nga pirming magregen.

Talagang dekeyeꞌ i pamayaꞌ baw pagsarig mi, ka in subuk pagpapakayan it Ampuꞌang Diyus it bura-burak i dikut nga kayti egen, temed dedelem idaꞌpug duꞌut apuy, ta daꞌga baꞌ subraꞌ kamu na nga papakayan ya?

Sabap yay matuud, egay ipagtaguꞌ nga daꞌga matukasiꞌan, baw egay kat nakem nga daꞌga malbawan.