Popular Bible Verses from Lucas 13

Share

“Talagang paꞌresan mi nga semled duꞌun it masupit nga puwirtaꞌan. Ka matuud i iꞌaat kut imyu nga mabut i aldaw nga dakel nay magreges nga kusled duꞌun it kaꞌadiꞌan it Ampuꞌang Diyus, temed ega na makasled ka nasauryan na.

May esang babay duꞌun nga sang puluꞌ baw walu nang taꞌun i kaꞌlay nga pagpasarutun it maraꞌe-raꞌet. Talagang saruktut na, nga ega na magkaptat. Pagkalteg ni Jesus it babay ngayti, tiyaꞌwagan ya, baw inaat nga maat ya, “Edeꞌ, medek nayan i sarut mu ngayan.”

Bawnga tiyapal ya, dengan it nakaptat na. Egay beken, biyantug it babay ngayti i Ampuꞌang Diyus.

Ta, dedemdemen mi tu. May mga taw nga, tanud mi, makauꞌna duꞌun it kaꞌadiꞌan ngaytit Ampuꞌang Diyus ka naꞌlay nang nakatantu pasar it kanya. Arit yay matuud, masauryan sira, ka daꞌsira kupamayaꞌ it aken. Baw may beken nga, tanud mi, masauryan, ka ega pay uru-urut nira pasar it Ampuꞌang Diyus. Arit yay matuud, makauꞌna sirat beken ngayti, sabap pagkagneg nirat kanira, mamayaꞌ sirat aken.”

Ka subuk isiradu nat tagbalay i talaꞌep. Ta, timitindeg kamu na lamang duꞌun it liꞌwan, magpaꞌungaꞌ-ungaꞌ nga pasleden, nga maat mi yan, ‘Ampuꞌan, asi-asi paꞌ, pasleden mu naga kami.’ Maat yan i tubag yat imyu, ‘Ega bayan magkakilalaan ku kamu in siyu kamu yan.’

Talagang ega maat atkayan. Ka basta ega singuliꞌan mi baw indiꞌan i mga kasalaꞌan mi, surubung kamu nga muꞌsa nga mapuuꞌ!”

Pagtubag yan it Ampuꞌan, maat ya, ‘Ega bayan talaga pagkilalaen ku kamu nga kaꞌibaan ku. Magpaꞌalaid kamu na situt aken, kamung muꞌsa nga mamumuwat it karaꞌe-raꞌetan!’

Mampang siꞌ si Jesus, maat ya, “Unu yan i masbungan it kaꞌadiꞌan it Ampuꞌang Diyus? Unuytu i mapasbungan ku? Subung tu it alit it mustasaꞌ nga ilinwak it esang taw duꞌun it kalulwakan ya. Ta, kiminseg tu seked it nagbalyu nga kayu. Egay beken, piyugadan na it mga manu-manuk i mga sanga ya.”