Popular Bible Verses from Lucas 14

Share

“Iyan kupasakep it aken, ega mapakay kanya nga alagad ku basta magkasubraꞌ pat pagmaꞌal yat aken i pagmaꞌal yat kanyang giyaringan, asawa, mga anak, mga sulsug, baw maski kanyang sadili nga kaꞌgenan ka subrang pagrarasan ya.

Baw in siyu nga ega pasaꞌnen yay kanyang krus ka sumunud nat aken, talagang ega mapakay kanya nga alagad ku.

Ka yay matuud, iyan mapiyataꞌas-taꞌas, buwaten kanya nga mababaꞌ. Baw iyan mapiyababaꞌ, iyan i buwaten nga mataꞌas.”

Aypaꞌ pikiren mit magayen bawnga buwaten i dapat mi nga buwaten. Ka basta ega magkatananan it esang taw i maski unu nga pagrarasan ya, ka ipasakep ya nat aken, ega mapakay kanya nga alagad ku.”

Ka in beteꞌ may esat imyu nga magrima-rima it patindeg it dakulang balay, daꞌga baꞌ kuwintaꞌen ya daꞌan i magastuꞌ ya, in unu tama-tamaꞌ na nga kapaꞌman ya i dawaꞌ ya nga pirak? Ka barang yanay seked, desang makapatindeg. Ega makapaꞌman ya. Ta daꞌga, buwaten na kanya nga kasesleman it kada makalteg. Maamaatan yan sira, ‘Bilaꞌ, desang suꞌag it langit!’ Aypaꞌ iyan kupasakep it aken, pikiren mi daꞌan it magayen.

Aypaꞌ in magꞌitsu ka it dakulaꞌ nga pagkaraꞌnen, yay imbitaren mu, mga makukuriꞌ, mga may mintirat bilug, mga pilay baw mga beleg. Simpri egay makatumbas nirat imu. Aypaꞌ ka subraꞌ ka nga makasagya, ka Ampuꞌang Diyus i tumumbas it imu, asan it egnen ya nat paꞌuliꞌ i mga taw nga mataldeng kat panleteg ya.”

Maat pay paꞌugdun ni Jesus, “Iyan kupasakep it aken temed ega ipasakep yat aken i muꞌsa ya, subung kanya it asin nga ega na mapalaꞌ. Ka asin, dakulay pakinabang ya. Temed in ega na mapalaꞌ, magꞌuꞌunu paꞌ mapapalaꞌ it sumaꞌup? Talagang ega nay pakinabang ya, ka maski ipatabaꞌ it lugtaꞌ ega na mapakay. Aypaꞌ ibuntal na lamang. Ta, it pagꞌargan it talinga, ipagpagneg, kaꞌilangan nga pagnegan mit magayen i pagꞌaaten ku ngaytu.”