Popular Bible Verses from LUK 8

Share

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

Chun, bualingnei lakah chî a tlâ mi tla chu hi bang minung tla hi an si; an theih nûnah an kal le, taksa lei lungkhamnâk tla, neihsiahnâk tla, damsung nuamchênnâk tla nih chun a dawrh le, an rah a min dahlo.

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

Chun, an sinah, “Zeiah me nan lungnâk?” a ti. Chun, an ṭih le, thungâi chê an ti, “Hi hi âu me si le? Thli leh tî tiang khawm thu a pêk le, anna âwi e!” anna ti.

Chun, lam vâu ah chî a tlâ mi chu, thu theih rawh mi tla hi an si; chun Diabol chu a hawng kal le, an lung lo ding hen ruangsuah an si kho lonâk ding hen an thinlung ah mi thu a lâk piak na tâwn.

“Puang lo ding hen pheh zeikhawm a um lo, theih lo ding hen leh lang lo ding hen thuh zeikhawm a um lo.

Chun, nunau nih chun â thup kho lo ti a theih le, thir bû hen a hawng kal le, a mâika ah a bawkbukhup le, a tawngh sawm le, zeikarlo ah a dam zia chu mi zawzawng mâika ah a sim rawh. Chun, anih nih chun a sinah, “Ka fanu, na lungnâk hi na dam phah asi, lungngam tak hen kal rawh,” a ti.

Chun, a sinah an va kal le, an thawh le, “Sîntirtu, Sîntirtu, kan vei awt hi!” an ti. Chun, Jisu chu â ṭhang le, thli leh titlingtlawk chu a fâi le; chun a bâng le, a reh rawh.