Popular Bible Verses from Luke 10

Share

Nituhtamukw maak, chichii miitinaawaau tipeyihchichewin chechii shaakuuchihekw machimanituu, kaye chechii taahtahkushkaatekuch kaa pihchipuwetwaau misichinepukuch, kaye maak kaa pihchipuwetwaau mistahiipihchesuuch. Namui ihtakun chekwaan chechii aahkuhiikuyekw.

Utipeyihchikeu chii itikuu, “Martha, Martha naashch e mukushkaateyihtamihiikuyin mihchetu chekwaayuu. Peyakw wesin chekwaan naashch nituweyihtaakun, Mary maak shaash chii wiyaapahtamaasuu aniyuu chekwaayuu uste e miywaashiyich e nituweyihtaakuniyich. Namui maak aweyuu chika chii miskamikuu aniyuu.”

Ekw an naapeu chii iteu, “Saachihii Utipeyihchikeu Chichishemanituum, misiwe chitehiihch, kaye misiwe chitahchaahkuhch kaye misiwe chimaskuusiiwinihch kaye misiwe chimituneyihchikanihch kaye maak saachihiich kutakach awenichii mwehch chii e ishpish saachihiisuyin.”

Chii iteu maak, “Mihchen nihtaauchihchikanh shaash e ishinaakuhkwaauh chechii maamuushtinikanuuhkwaauh mikw maak namui mihchetuuch kaa aapatisitwaau chechii maamuushtinahkwaau. Chipaa ayimihaawaau Utipeyihchikeu, an kaa tipiyeusiit misiwe chekwaayuu e nihtaauchiniyich, chechii itishahwaat mihchetu aweyuu che maamuushtinamiyich aniyuu nihtaauchihchikanh.

Eukw uyuu tipaachimuwiniyuu kaa wiihtamuwaat Jesus aniyuu wiyaaskunichesuu. Ekw kaa itaat, “Taan an eukw anichii e nishtitwaau naapeuch muyaam wiichishaan kaa ihtuutawaat aniyuu naapeu kaa miswaakanihkaataakanuyich.” Ekw an wiyaaskunichesuu kaa itwet, “An kiipaa naapeu kaa wiichihaat kaa nuukuhtaat e chistimaacheyimaat.” Jesus kaa itaat, “Maachiih maak, ekun maak uu mwehch che ihtuutaman kaye chiya.”

Maachiikw maak, chititishahutinaawaau anite muyaam maanishchaanishach e itishahwaakanuutwaau mekwesiin mahiihkanh e ihtaayich.