Popular Bible Verses from Luke 11

Share

Aat e machaatisiyekw yaapach chichischeyihtenaawaau chechii miyu miyekuch chitawaashiimuwaauch. Etituu maak Kuuhtaawaau kihchikiishikuhch kaa ihtaat chischeyihtam chechii miyu miiwet. Miyeyihtam e miyaat aweyuu Kaa payehchisiyich Ahchaahkwa aniyuu kaa nitutamaakut.”

Wesh chititinaawaau, nitutamaakw taan e ishi nituweyihtamekw, chika miikunaawaau maak, naanituweyim Chishemanituu ekw maak che miskawat. Paapaawahiiche chishtuhkan ekw maak che aapahamaakuyin.

Wesh tahtu awen kaa nitutamaat chika miyaakanuu. Kaye tahtu awen kaa naanituweyimaat Chishemanituu chika miskaweu, kaye tahtu awen kaa paapaawahiichet kata aapahamuwaakanuu.”

Jesus chii iteu, “Maau che ishi ayimihaayekw, ‘Nuuhtaawiinaan, kihchikiishikuhch kaa ihtaayin, nitayimihaanaan chitishinihkaasuwin e payehchisiimakahch chechii chisteyihtaakuhtaakanuuhch. Chuuchimaawin katawii utihchipayuu. Chititeyihtamuwin katawii ihtuutaakanuu utah aschiihch, taapishkuuch kihchikiishikuhch.

Wepeyihtamuunaan nimachihtwaawinaanh, wesh kaye niyaan niwepeyihtamuwaanaan misiwe awen kaa machituutuuyimiht. Ekaawii ituhtahiinaan anite chechii ishi kakwechihiikuyaahch.’ ”

Miinaan tahtwaau e chiishikaach pahkweshikan che uhchi pimaatisiyaahch.

Chischiishikw eukw uyuu uwaashtenamaakan chiiyuu. E miywaach chischiishikw tekash waashteu chiiyuuhch mikw maak ekaa miywaache chischiishikw naashch taapwe ukaashteyaau chiiyuuhch.

“Namui awen saskaham waashtenamaakaniyuu ekw maak chechii nituu kaataat, maak wiyesh chechii akunahahk. Ashtaau anite taanite misiwe awen e pechi piihchet chechii waapahtahk e waashteyich.